Páskarnir í Vínbúðunum

Flestar Vínbúðir verða opnar lengur miðvikudaginn fyrir páska, en allar búðir eru lokaðar á skírdag, föstudaginn langa, páskadag og annan í páskum skv. venju. Í lista yfir opnunartíma Vínbúða er hægt að sjá hvernig opið er yfir hátíðirnar í hverri búð fyrir sig. Við minnum á að einnig er hægt er að klára innkaupin í Vefbúðinni og sækja í hvaða Vínbúð sem er.

Allar fréttir
Allar fréttir

Páskalambið

Hér á Íslandi er vinsælt að hafa lambakjöt um páskana. Þegar kemur að því að velja vín með matnum er ýmislegt sem vert er að hafa í huga en þar skiptir eldunin máli, sem og meðlæti.

Allar greinar
 

Bláskel og vínin með

Með bláskel gæti ferskur Sauvignon Blanc gengið vel upp. Nýsjálenskur Sauvignon Blanc er að öllu jöfnu ávaxtaríkari en franskur Sancerre, sem yfirleitt gefur af sér grösugri bragðeinkenni. Spænskur Albariño hefur bæði ferskleikann og ávaxtarík einkenni til að parast með bláskelinni...

Allar greinar
 

Coq au vin (rauðvínssoðinn kjúklingur)

Uppruni þessa réttar er í Bourgogne og því upplagt að nota rauðvín þaðan.

Allar uppskriftir
 

Afleiðingar þess að leggja niður einkaleyfi á sölu áfengis

Árið 2011 var einkaleyfi ríkisins lagt niður á sölu áfengis í Washington-fylki. Þremur árum síðar var gerð rannsókn á því hvaða áhrif aðgerðin hafði. Helstu niðurstöður voru:

Allar rannsóknir og greinar

Sætvín og súkkulaði

Páll Sigurðsson, vínsérfræðingur

(úr Vínblaðinu, 1.tbl.6.árg.)

 

Nú er sá tími sem við Íslendingar innbyrðum hvað mest súkkulaði, oft í formi páskaeggja, en einnig slæðast þó stöku konfektmolar og gæða súkkulaðibitar með. Fyrir kemur að ég er beðinn um aðstoð við að velja vín með súkkulaði og ósjaldan er óskað eftir rauðvíni. Ég hef vissulega bragðað rauðvín sem virkaði vel með súkkulaði, en oftar hef ég þó orðið fyrir vonbrigðum. Aftur á móti hef ég upplifað ánægjulegar bragðlaukagælustundir með hvítum sætvínum og súkkulaði. Sætan í víninu getur tekist á við sætuna í súkkulaðinu og ekki eru tannín til staðar sem þvælast fyrir og gera manni lífið leitt. Hér eru nokkur vín sem að mínu mati renna ljúft niður með súkkulaði; þetta er aðeins brot af því úrvali sem til er í vínbúðunum en vínráðgjafar vínbúðanna geta að sjálfsögðu aðstoðað ykkur ef þið hafið áhuga á að kynnast hinum mjúku, ljúfu og sætu hliðum sælkeraheimsins. Sauternes eru eflaust frægustu sætvínin, þau koma frá samnefndu héraði í Bordeaux, Frakklandi. Vínin sem eru dísæt, ilma af hunangi, apríkósum og þurrkuðum ávöxtum, renna ljúft niður með súkkulaðibitum og ekki síður heitri súkkulaðiköku. Tokaji Aszú eru konungleg vín frá Ungverjalandi, dísæt, með ferska sýru, apríkósur, ferskjur og sveppatóna. Með þessu víni væri gott að fá sér súkkulaði fondú og dýfa jarðarberjum í, eða súkkulaðiköku með skógarberjasósu.

Vin Santo frá Ítalíu og Vin de Paille frá Frakklandi eru vín gerð úr þurrkuðum þrúgum. Þessi vín einkennast oft af rúsínutónum, karamellu, þurrkuðum ávöxtum og eikarkeimi. Með þessum vínum væri ég alveg til í að fá mér súkkulaði með hnetum og rúsínum eða jafnvel hvítt súkkulaði. Moscato d’Asti eru lágfreyðandi sæt hvítvín frá Piemonte á Ítalíu, þessi vín hafa lágt alkóhól, ferskan vínberja og ávaxtakeim. Lágt alkóhólið er aðall þessara vína sem hreinlega kalla fram vor í hugann, þegar léttar gosbólurnar kitla góminn. Ég hef ekki enn fundið súkkulaði sem passar ekki með Moscato. Það er einnig kostur við sætvínin að undanskildu Moscatóinu, að það er hægt að geyma þau nokkuð lengi í kæli, eftir að þau hafa verið opnuð, þau tapa sáralitlu þótt þau séu vikugömul eða jafnvel eldri. Það þarf því ekki endilega að klára flöskuna strax. Og er svo ekki bara skemmtilegt að sjá eitthvað sætt þegar maður opnar ísskápinn?