Sleppa valmynd og fara beint í meginmál

Lax steiktur i haframjöli

með ostavínberjasalati og rjómabökuðum eplakartöflum

Fjöldi
6
Innihaldsefni 1-1,2 kg lax 3 dl haframjöl 1 dl heilhveiti Salt og pipar 2 msk. smjör til steikingar RJÓMABAKAÐAR EPLAKARTÖFLUR 600 g kartöflur 2 stk. epli 3 dl rjómi 125 g rjómaostur með kryddblöndu 2 msk. ferskur graslaukur Salt og pipar OSTAVÍNBERJASALAT 1 dós kotasæla með ananas 30 stk. græn vínber 30 stk. blá vínber 200 g Maribo kúmenostur, 26% 100 g blaðlaukur, í sneiðum 1 stk. græn paprika, í bitum
Aðferð
  1. Blandið saman heilhveiti og haframjöli í matvinnsluvél.
  2. Veltið laxastykkjunum upp úr blöndunni og steikið í smjöri á báðum hliðum.
  3. Færið á eldfast fat og bakið við 180°C í u.þ.b. 10 mínútur.

 

RJÓMABAKAÐAR EPLAKARTÖFLUR

  1. Skerið kartöflur í þunnar sneiðar og saxið eplin.
  2. Setjið í eldfast mót ásamt graslauknum.
  3. Kryddið með salti og pipar.
  4. Bræðið saman rjóma og rjómaost með kryddblöndu og hellið yfir kartöflurnar og eplin.
  5. Bakið við 160°C í 40 mínútur

 

OSTAVÍNBERJASALAT

  1. Skerið vínberin í tvennt og hreinsið steinana úr.
  2. Bætið blaðlauk og papriku saman við.
  3. Skerið Maribo kúmenostinn í bita og blandið öllu saman ásamt kotasælu.

 

VÍNIN MEÐ
Upplagt er hér að að velja vín með ferska sýru, en hér koma rauðvín og hvítvín bæði til greina. Í vöruleitinni er að finna ýmsar hugmyndir en hægt er að sía leitina eftir þínum þörfum.

 
Frá þemadögunum 'Ostaveisla'- september 2008 (PDF) Uppskrift fengin frá Árna Þór Arnórssyni
Fleiri Fiskréttir

Steiktur koli

Humarsalat

Skelfisksalat

Bláskel