Páskarnir í Vínbúðunum

Flestar Vínbúðir verða opnar lengur miðvikudaginn fyrir páska, en allar búðir eru lokaðar á skírdag, föstudaginn langa, páskadag og annan í páskum skv. venju. Í lista yfir opnunartíma Vínbúða er hægt að sjá hvernig opið er yfir hátíðirnar í hverri búð fyrir sig. Við minnum á að einnig er hægt er að klára innkaupin í Vefbúðinni og sækja í hvaða Vínbúð sem er.

Allar fréttir
Allar fréttir

Páskalambið

Hér á Íslandi er vinsælt að hafa lambakjöt um páskana. Þegar kemur að því að velja vín með matnum er ýmislegt sem vert er að hafa í huga en þar skiptir eldunin máli, sem og meðlæti.

Allar greinar
 

Bláskel og vínin með

Með bláskel gæti ferskur Sauvignon Blanc gengið vel upp. Nýsjálenskur Sauvignon Blanc er að öllu jöfnu ávaxtaríkari en franskur Sancerre, sem yfirleitt gefur af sér grösugri bragðeinkenni. Spænskur Albariño hefur bæði ferskleikann og ávaxtarík einkenni til að parast með bláskelinni...

Allar greinar
 

Bakaður Stóri dímon (ostur í boxi)

Ýmis vín henta vel með ostinum, en best er að haka við "ostar" og "eftirréttir" í vöruleitinni til að fá hugmyndir.

Allar uppskriftir
 

Stýrð áfengissala betri kostur

Öll fylki í Bandaríkjunum setja einhverskonar kvaðir á áfengi, s.s. í formi skattlagningar, takmörkun á áfengissöluleyfi og sölutíma og í flestum tilfellum er krafist þriggja laga kerfis þar sem eignarhald framleiðenda, heildsala og smásala þarf að vera aðskilið. Einkavæðing á sölu áfengis hefur því ekki leitt til fullkomlega frjáls markaðar í Bandaríkjunum.

Allar rannsóknir og greinar

Rabarbara kokteilar

Nú þegar haustið hellist yfir er blússandi uppskera í mörgum matjurtagarðinum. Rabarbari er auðveldur í ræktun og ljúffengur í allskyns bakstur, sultur og grauta. Fáir vita þó að hann er einnig tilvalinn í girnilega haustkokteila. Upplagt er að nota mintu úr garðinum líka, en hún er einnig afar auðveld í ræktun. Hér fylgja uppskriftir af ferskum og öðruvísi kokteilum sem auðvelt er að útbúa óáfenga útgáfu af. Njótið vel!      

Rabarbara Mojito

10 mintulauf
½ límóna, skorin í báta
6 cl rabarbarasíróp
3 cl ljóst romm
3 cl Triple Sec
3 cl sódavatn (sprite eða 7-up)

Setjið límónubátana og mintuna í longdrink glas og merjið. Bætið síðan romminu, Triple Sec, rabarbarasírópinu og sódavatninu út í. Fyllið glasið næstum upp með muldum klaka og hrærið örlítið. Skreytið með límónusneið eða afskorningi af rabarbarastilk. Einnig má gera óáfenga útgáfu, þá er áfenginu einfaldlega sleppt.

 

Rabbarbara Kir Roya

2 cl rabarbara síróp
9 cl freyðivín

Rabarbara sírópi er hellt í kampavínsglas og fyllt upp með freyðivíni. Einnig má gera óáfenga útgáfu, þá er freyðivíninu skipt út fyrir sódavatn, Sprite eða Seven up.


Rabarbarasíróp

5 dl rabarbari (ferskur eða frosinn) skorinn í bita
1 dl sykur
1 dl vatn
½ dl sítrónusafi

Setjið allt í þykkbotna pott, látið suðuna koma upp og lækkið síðan hitann. Látið malla í um 20 mínútur, hrærið í af og til.  Látið sjóða þar til rabarbarinn er orðinn mjúkur og vökvinn hefur þykknað svolítið. Takið af hitanum, látið kólna aðeins og bætið því næst sítrónusafanum í.

Sigtið síðan í gegnum fínt sigti og grisju í skál, pressið með sleikju eða sleif til að ná sem mestu sírópi.
Hellið síðan sírópinu í hreina flösku. Sírópið er einnig ljúffengt ofan á ís. 

Páll Sigurðsson
vínráðgjafi