- Afhýðið radísurnar, skerið 5 þeirra í þunnar sneiðar en rífið hinar 5 gróft í rifjárni.
- Setjið radísusneiðarnar í lítinn pott ásamt hunangi og 1 msk. af vatni og sjóðið í 10 mínútur við vægan hita.
- Hitið olíuna á pönnu og steikið rifnu radísurnar.
- Leggið þær síðan á pappír og látið olíuna renna af þeim.
- Skolið eplin, kjarnhreinsið þau með því að stinga grænmetisflysjara í gegnum þau og snúið hring innan úr þeim.
- Skerið eplin í 1 cm þykkar sneiðar þannig að í hverri sneið verði gat eftir kjarnann.
- Steikið síðan 12 fallegustu eplasneiðarnar upp úr smjöri í 2-3 mínútur á hvorri hlið.
- Skerið lifrina í 8 sneiðar, veltið upp úr hveitinu og steikið í smjörinu nokkrar sekúndur á hvorri hlið.
- Takið fram 4 diska, setjið eina eplasneið á hvern disk og síðan eina sneið af andalifur þar ofan á.
- Leggið þá aðra sneið af epli ofan á og aftur eina sneið af lifur og að lokum eina eplasneið efst.
- Skreytið með steiktri radísu.
- Leggið hunangssoðnu radísusneiðarnar í kringum eplið og dreypið ögn af ediki á þær. Saltið og piprið. Berið strax fram.
VÍNIN MEÐ
Hvít eftirréttavín eru upplögð með gæsalifrinni.