Villisveppa Risotto

  • 2–3 skalottlaukar
  • ½ dl jómfrúarólífuolía
  • 250 g risottogrjón
  • 1 l kjúklinga- eða grænmetissoð
  • 1 msk. smjör
  • Salt og pipar til smakks

Aðferð:
Hitið olíuna í góðum potti og svitið laukinn (má ekki brúnast). hellið yfir hrísgrjónunum og hitið saman og hrærið stöðugt í ca.1 mín. Hellið ¼ af heitu soðinu út í og látið malla þar til grjónin hafa tekið í sig soðið. Bætið síðan bolla og bolla í einu af soðinu
þar til grjónin eru orðin mjúk og hafa drukkið í sig allan vökvann, 15–18 mínútur.

Villisveppirnir
Ef hægt er að verða sér úti um ferska villisveppi þá er það best.

  • 100–200 g góðir sveppir td. portobello 50 g þurrkaðir villisveppir, lagðir í bleyti (soðið sigtað frá)
  • 50 g smjör
  • 2 msk. olífuolía
  • 250 ml rjómi (má sleppa)
  • 100 g ferskur parmesan
  • salt og pipar úr kvörn eftir smekk

Aðferð:
Hitið olíu og smjör á góðri pönnu. Steikið sveppina þar til þeir eru fallega brúnaðir, hellið rjómanum út í og sjóðið um stund
(rjómanum má sleppa en bætið þá við ca. 50 g af smjöri í restina) þar til rjóminn hefur þykknað örlítið. Bætið risottogrjónunum saman við og hrærið í þar til allt hefur blandast vel saman. Hrærið rifnum parmesanostinum saman við að endingu og berið fram.  Skreytið með grófrifnum parmesanostinum og svörtum pipar.

Borðist eitt og sér með góðu brauði eða sem meðlæti með öðrum réttum. Þessa grunnuppskrift er hægt að nota með ýmiss konar meðlæti svo sem sjávarréttum, kjúklingakjöti og ferskum grænum aspas.

Fengið úr Vínblaðinu (1.tbl.6.árg)

 

HUGMYNDIR AÐ VÍNI SEM PASSAR MEÐ ÞESSUM RÉTTI

(Athugið að listinn er ekki tæmandi, en hægt er að leita nánar í
vöruleitinni, eða fá aðstoð hjá starfsfólki Vínbúðanna.)


Til baka





 

Breyta um leturstærð

  • Stækka letur
  • Minnka letur


  • Leit