LAMBAFILLET
- Steikið lambahryggvöðvann á snarpheitri pönnu, á öllum hliðum uns fallega brúnaður.
- Takið af pönnunni og klárið að steikja í ofni þannig að kjarnhiti nái 51°.
- Takið úr ofninum og látið hvíla.
SOÐINN BLAÐLAUKUR
- Setjið blaðlaukinn, smjörið og ögn af salti í pott með vatni svo rétt fljóti yfir laukinn.
- Sjóðið þar til laukurinn er nánast mjúkur í gegn.
- Athugið að sjóða hann við vægan hita svo hann detti ekki allur í sundur.
- Leyfið að hvíla í vatninu uns komið er að því að framreiða réttinn.
FJALLAGRASARJÓMI
Setjið allt í pott og hitið smástund þar til rjómaosturinn og rjóminn hafa blandast saman.
VILLT BLÓÐBERG
Tínið dálítið blóðberg úti í grænni náttúrunni. Einnig er hægt að nota timjan.
FRAMREIÐSLA
Skerið lambið þversum í fallegar sneiðar og sömuleiðis blaðlaukinn. Smyrjið dálitlu af fjallagrasarjómanum á disk. Leggið lambakjötssneiðar ofan á og síðan blaðlaukinn ofan á kjötið. Kryddið með dálitlu salti og blóðbergi.
VÍNIN MEÐ
Hægt er að velja góð vín með lambinu frá flestum stöðum í vínheiminum gjarnan rauð.