Blómkál, blómkál, blómkál

Fyrir 6 manns

BRENNT BLÓMKÁLSMAUK

200 g blómkál
30 g smjör
60 g rjómi
Salt
Nýkreistur sítrónusafi

Aðferð: Bræðið smjörið í potti. Saxið blómkálið og steikið það í smjörinu við vægan hita uns það verður mjúkt og fær gullinn lit. Maukið í blandara ásamt rjómanum
og smakkið til með ögn af sítrónusafa og salti.

FLAUELSMJÚK BLÓMKÁLSSÚPA

200 g blómkál
2 dl rjómi
2 dl mjólk
Salt
Nýkreistur sítrónusafi

Aðferð: Saxið blómkálið og setjið það í pott ásamt mjólkinni og rjómanum. Sjóðið rólega þar til blómkálið verður mjúkt. Maukið í blandara uns blandan verður flauelsmjúk. Smakkið til með salti og sítrónusafa.

STEIKT BLÓMKÁL

6 fallegir blómkálstoppar
60 g smjör
Salt
Skessujurt (hægt er að nota aðrar jurtir, t.d. dill, steinselju eða hvönn)
Nýmulinn svartur pipar

Aðferð: Setjið blómkálið í sjóðandi vatn og sjóðið í 2 mín. Látið renna af því í sigti og þerrið dálítið. Steikið varlega í smjörinu og kryddið með salti, pipar og saxaðri skessujurt.

FRAMREIÐSLA
Setjið eina fulla skeið af brennda maukinu í litla skál, hellið dálítilli súpu yfir og leggið svo varlega steiktan blómkálstopp efst. Fallegt er að hella nokkrum dropum af repjuolíu (eða annarri góðri olíu) í hring ofan á, bæði til skrauts og yndisauka.

Fengið úr bæklingi frá þemadögum ´Smáréttaveisla´

HUGMYNDIR AÐ VÍNI SEM PASSAR MEÐ ÞESSUM RÉTTI

(Athugið að listinn er ekki tæmandi, en hægt er að leita nánar í
vöruleitinni, eða fá aðstoð hjá starfsfólki Vínbúðanna.)

Til baka