Bragðlýsing

Rafgullinn. Ósætur, léttur, meðalbeiskja. Ristað malt, karamella, þurrkaðir ávextir.

Undirflokkur - Amber, Vínar, Classic

Hér eru bjórar sem eru undir áhrifum frá hinum þýska Vienna Lager stílnum. Þessir bjórar eru yfirleitt koparlitaðir og hafa léttristðan malt karakter. Beiskjan er oftast fremur lítil til miðlungs og humlaeinkenni ekki áberandi.

Yfirflokkur - Ljós lager

Ljós lager er vinsælasti flokkur bjórs í dag og á rætur sínar að rekja til borgarinnar Pilsen í Tékklandi. Þetta eru undirgerjaðir bjórar og eru eins og nafnið gefur til kynna ljósir eða gullinn á lit og flestar tegundir bragðmildar, þó með undantekningum. Algengast er að vínandastyrkur sé á bilinu 4,5% - 5,6% en þó eru til tegundir sem hafa minni styrkleika eða meiri. Ljósir lager bjórar eiga að vera ferskir og brakandi og bragð einkennist af korninu sem notað er við framleiðslu bjórsins, nokkuð mikilli freyðingu, og fremur lítilli til miðlungs beiskju. Humlar eru notaðir sem mótvægi við sætuna í maltvökvanum.

Bjórar í þessum flokki eru bestir framreiddir við um 7-10°C