Skyr panna cotta 
með volgum berjum
Fjöldi
4
Innihaldsefni
2 dl rjómi
1 dl nýmjólk
60 g sykur
2 matarlímsblöð
1 vanillustöng
80 g skyr
½ dl fersk eða frosin bláber
½ dl fersk eða frosin rifsber
½ dl fersk eða frosin jarðaber
2 msk. rifsberjahlaup
2 msk. jarðaberjasulta
Aðferð
- Hitið rjóma, mjólk, sykur og vanillustöng (sem búið er að kljúfa) upp að suðu.
- Leggið matarlímið í bleyti í ísköldu vatni.
- Skafið vanillufræin innan úr stönginni og fjarlægið hana en hrærið kornunum vel út í blönduna.
- Takið matarlímsblöðin upp úr vökvanum, kreistið þau vel og hrærið þeim því næst út í rjómablönduna þannig að þau leysast upp.
- Leyfið blöndunni aðeins að kólna áður en skyrinu er hrært varlega saman við og blöndunni hellt í fjórar passlegar skálar úr leir eða stáli.
- Kælið í ísskáp í a.m.k. 2 klst. eða yfir nótt.
- Hitið pönnu og látið sultuna bráðna vel á henni áður en berjunum er blandað saman við og þau hituð létt.
- Sláið panna cotta úr formunum og komið fyrir á miðjum diski, hellið berjamaukinu yfir og skreytið með ferskri smátt saxaðri myntu.