Sleppa valmynd og fara beint í meginmál

Fréttir

Ný Vínbúð á Blönduósi

27.11.2020

Vínbúðin á Blönduósi er nú flutt í nýtt og betra húsnæði að Húnabraut 4. Vínbúðin er nú í töluvert stærra og bjartara húsnæði með góðu aðgengi. Til að þjónusta viðskiptavini enn betur höfum við einnig aukið vöruvalið. Verið velkomin í nýja og glæsilega búð!

Í gjafahugleiðingum?

24.11.2020

Ertu í gjafahugleiðingum? Þá eru hér hagnýtar upplýsingar fyrir þig um hvað gott er að hafa í huga þegar valið er léttvín til gjafa. Í Vefbúðinni hér á vinbudin.is er öflug leitarvél sem nýtist vel til að skoða úrvalið og fá hugmyndir að tegundum sem hægt er að gefa. Fyrst má nefna að í Vínbúðunum eru til sölu sérstakar gjafapakkningar og má sjá úrvalið af þeim HÉR.

Fjöldi viðskiptavina í Vínbúðum

03.11.2020

Áfengi er samkvæmt lögum skilgreint sem matvæli og því gilda tilmæli um matvælaverslanir um Vínbúðirnar. Eftir síðustu reglugerðarbreytingu hafa stærstu Vínbúðirnar að jafnaði ekki hleypt inn fleiri en 35 viðskiptavinum og þær minni færri, allt eftir stærð Vínbúða..

Tímabundin lokun í Hveragerði

28.10.2020

Vegna óhapps í verslunarmiðstöðinni í Hveragerði þurfti að loka Vínbúðinni skyndilega tímabundið. Verið er að reykræsta húsið og opnað verður um leið og hægt er.

Vínráðgjafar á netspjallinu

27.10.2020

Nú höfum við aukið ennfrekar við þjónustu vínráðgjafa í netspjallinu. Það er því um að gera að stytta tímann í búðinni og nýta sér netspjallið til að fá góð ráð.

Til að nálgast spjallið smellir þú á hnappinn neðst til hægri á síðunni.

Búið að opna í Skútuvogi

19.10.2020

- Fréttin hefur verið uppfærð-
Í gær kom upp staðfest Covid-19 smit innan starfsmannahóps okkar í Vínbúðinni Skútuvogi. Í kjölfarið var viðbragðsáætlun virkjuð og Vínbúðin þrifin og sótthreinsuð og hefur nú verið opnuð á ný. Starfsfólk frá öðrum Vínbúðum og hluti starfsmannahópsins úr Skútuvogi mun standa vaktina næstu daga.Við þökkum viðskiptavinum skilninginn.

Hjálpumst að – notum grímur!

12.10.2020

Við hvetjum viðskiptavini til að vera með grímur þegar verslað er og virða fjarlægðarmörk eins og hægt er. Einnig höfum við bent á að hægt er að velja rólegri tíma til að koma við í Vínbúðunum, en minna er að gera fyrri hluta dagsins og fyrri hluta vikunnar. Að sama skapi getum við fækkað mögulegum smitleiðum með því að nýta snertilausar greiðslur í stað þess að greiða með peningum og reyna eftir besta megni að handleika ekki vörur að óþörfu. Einnig er kostur ef hægt er að stytta tímann í búðinni með því að vera vel undirbúin. Á vinbudin.is er með auðveldum hætti hægt að sjá vöruval hverrar Vínbúðar og birgðastöðu hverrar vöru.

Allt vöruúrvalið í Heiðrúnu

08.10.2020

Nú höfum við stækkað Vínbúðina Heiðrúnu, en þar getur þú nálgast allt það vöruúrval sem Vínbúðirnar hafa að bjóða. Úrval af bjór hefur aukist töluvert í búðinni, en kominn er sérstakur kælir fyrir svokallaðan sérbjór. Vínbúðin í Skútuvogi hefur einnig verið með mikið úrval af bjór en vegna umsvifa komast ekki allar tegundirnar fyrir þar eins og er. Á vinbudin.is er einnig hægt að nálgast allt vöruúrvalið en þar er hægt að panta og fá sent gjaldfrjálst í næstu Vínbúð.

Væntanlegar vörur

21.09.2020

Viðskiptavinir bíða sumir spenntir eftir nýjungum í vörusafninu okkar, en nú er hægt að sjá væntanlegar vörur í Vefbúðinni. Vörurnar birtast með fyrirhugaðri upphafsdagsetningu sölu í bland við aðrar vörur, en einnig er hægt að afmarka þær í leit. 

Viltu kaupa heilan kassa?

09.09.2020

Í Vefbúðinni er nú hægt að sjá í hvaða einingum hægt er að kaupa hverja vöru. Þannig er auðveldara að átta sig á hagkvæmustu pakkningastærðum t.d. þegar verslað er í Vefbúðinni...