Sleppa valmynd og fara beint í meginmál

Bananabrauð með vanilluís og karamellu

VON mathús

Uppskriftin miðast við fjóra

 

  • 2 stk. vel þroskaðir bananar  
  • 3 egg  
  • 220 g sykur  
  • 160 g hveiti  
  • 100 g súkkulaði  
  • 100 g döðlur  
  • 150 g vatn 
  • 100g brætt smjör  
  • 2 tsk. lyftiduft  
  • 2 tsk. matarsóti  
  • ½ tsk. salt  
  • Vanilluís 

 

Bananabrauð 

Egg og sykur er þeytt saman þar til blandan er ljós og létt. Döðlur eru soðnar í vatni þar til þær eru orðnar mjúkar og síðan er þeim stappað saman við banana og brætt smjör og loks blandað saman við eggjablönduna. Öll þurrefni eru því næst sigtuð út í ásamt smátt skornu súkkulaði og öllu hrært vel samanBlöndunni er hellt í brauðform og hún bökuð á 170°C í 40-50 mínútur.  

 

Karamella: 

300 g sykur  
75g smjör  
200 ml rjómi  
25g hunang  
20 ml vatn  

 

Aðferð: 

Sykur, hunang og vatn er sett saman í pott (mikilvægt að passa að potturinn sé nægilega stór svo karamellan fljóti ekki upp úr) og eldað þar til gullið Þá er smjörinu bætt út í og síðan rjómanum, en mikilvægt er að hita rjómann upp áður en honum er bætt við. Öllu hrært saman þar til karamellan hefur náð æskilegri þykkt.  

Bananabrauðinu er leyft að kólna aðeins áður en það er skorið í sneiðar og borið fram með kúlu af vanilluís og heitri karamellu.  

 

 

Þessi uppskrift er frá VON mathúsi

 

VÍNIN MEÐ:

Með þessum eftirrétti parast vel franskur Sauternes eða Sérrístílar eins og Cream (sætt), Oloroso (ósætt) eða Amontillado (ósætt).