Vanillu Panna Cotta og fersk hindber

Vanillu Panna Cotta og fersk hindber

Fyrir 4

PANNA COTTA

4-5 blöð matarlím (9 g)

400 ml rjómi

80 ml mjólk

80 ml sykur

1 stk. vanillustöng

1 box fersk hindber

Fersk mynta til skreytingar

Aðferð:

Leggið matarlím í bleyti í ískalt vatn.

Skerið upp vanillustöng og skafið fræin innan úr. Hitið upp að suðu rjóma, mjólk, sykur, vanillufræ og vanillustöng. Takið af hitanum, setjið lok á pottinn og látið vera í 30 mín. Velgið aftur rjómablönduna og bætið við matarlími. Sigtið í gegnum fínt sigti og skiptið blöndunni strax í fjóra bolla eða hringlaga álform. Geymið a.m.k. í 2-3 klst. í kæliskáp áður en borið fram.

HINDBERJASÓSA

150 g frosin hindber

40 g sykur

2 msk. sítrónusafi

3-4 msk. vatn

Aðferð:

Blandið saman í potti frosin hindber, sykur, sítrónusafa og vatn. Hrærið og hitið upp að suðu. Blandið síðan í matvinnsluvél. Hellið gegnum sigti og geymið í kæli.

Takið til fjóra diska. Losið Panna Cotta úr bollum eða álformum með því að dýfa ofan í heitt vatn í 2-3 sekúndur. Búðingurinn losnar og hægt er að hvolfa honum á diskinn. Setjið u.þ.b. 2 msk. af hindberjasósu í kringum búðinginn og skreytið með ferskum hindberjum og myntu.

 

Uppskriftin kemur frá veitingastaðnum Essensia.