Sleppa valmynd og fara beint í meginmál

Hægeldað grasker á spjóti
með chimmichurri og maíssalsa

Þessi uppskrift er frá :
Sushi Samba

  • Butternut grasker 1 stk.
  • Ólífu olía 100 ml
  • Rauður chilli 1 stk.                                        
  • Timían                                                  
  • Salt og pipar

Aðferð
Afhýðið grasker og skerið í fallegar lengjur. Skerið chilli í fínar sneiðar. Setjið grasker á bakka og dreifið ólífu olíu, chilli og timían yfir. Blandið öllu vel saman. Setjið í ofn á 130°C í 30 mínútur. Kælið. 
 

Chimmichurri 

  • Skalottlaukur 2 stk.                                             
  • Kóríander 1 búnt                                            
  • Lime 1 stk.                                                
  • Eplaedik 50 ml                                               
  • Salt og pipar                                                          
  • 100 g smjör                                                  
  • Ólífuolía 150 ml


Aðferð
Hitið smjör rólega á pönnu þangað til komin er karamelluáferð á það en passið að það brenni ekki. Fínsaxið skalottlauk og steikið í smjörinu þar til hann er orðinn alveg glær. Látið bíða í 5 mínútur. Saxið kóríander fínt og setjið útí laukinn, blandið vel.

Kreistið lime og bætið eplaediki og ólífuolíu úti. Smakkið til með salti og pipar.


Maíssalsa

  • Maísstöngull stór, gulur  2 stk.                                                
  • Rauðlaukur 1 stk.                                          
  • Kóríander 1 búnt                                                  
  • Chilli rauður 1 stk.                                               
  • Lime 1 stk.
  • Salt og pipar

Aðferð
Sjóðið maísstöngulinn í 10 mín í potti og kælið þvínæst.
Skrælið baunirnar af, fínsaxið rauðlauk og kóríander og skerið chilli í þunnar sneiðar.
Kreistið lime yfir og smakkið til með salti og pipar.      

                              

Samsetning

Setjið graskerið á spjót og dreifið chimmichurri og maíssalsa yfir.

 

Þessi uppskrift var sett inn í tilefni rósavínsþema í Vínbúðunum. Rétturinn hentar vel með ósætu rósavíni. Einnig er hægt að finna sína eigin samsetningu í vöruleitinni.

 

Uppskriftin er frá Sushi samba