Vínráðgjöf

Vínráðgjafar Vínbúðanna

 

Vínráðgjafarnir eru til staðar í Vínbúðunum og veita góð ráð varðandi vín og mat

Í Vínbúðunum Heiðrúnu, Kringlunni, Álfrúnu, Skútuvogi, Austurstræti, Borgartúni, Akranesi og Akureyri er oftast vínráðgjafi á staðnum auk þess sem vínráðgjafar eru stundum á ferðinni í öðrum Vínbúðum.
 

Vínskóli á heimsmælikvarða

Vínbúðirnar hafa undanfarin ár rekið vínskóla hugsaðan til þess að auka vöruþekkingu starfsmanna með það að leiðarljósi að geta frætt og þjónað viðskiptavinum enn betur. Allt starfsfólk Vínbúðanna lýkur grunnnámi í þessum fræðum. 

Einn virtasti vínskóli heims, WSET í London, hefur viðurkennt Vínskóla Vínbúðanna hæfan til kennslu á efni þeirra, svokölluðu Advanced námskeiði.  Hjá Vínbúðunum starfa sérfræðingar sem búa yfir þekkingu til að annast alþjóðlega viðurkennd námskeið fyrir hönd WSET. Markmiðið er að bjóða upp á hágæða menntun og starfsþjálfun í vínfræðum.  Í Vínbúðunum starfa nú Vínráðgjafar sem hafa lokið þessari alþjóðlegu gráðu frá WSET.

Hér eru upplýsingar um veisluvínþjónustuna