Brúnn. Ósætur, þéttur, meðalbeiskja. Rúgbrauð, dökk karamella, þurrkaðir ávextir, súkkulaði.

Brúnöl

Upprunalega breskur stíll. Þetta eru öl sem eru rauðbrún til brún á lit, mikinn maltkarakter og hafa léttristaða súkkulaði, hnetu og karamellu tóna. Geta haft örlitla maltsætu og beiskja getur verið á nokkuð breiðu sviði. Bandarísku útgáfurnar eru yfirleitt beiskari en þær bresku.

Amerískt og breskt öl

Mjög fjölbreyttur flokkur af breskum ölstílum sem hafa fengið endurnýjun lífdaga í amerískum handverksbrugghúsum. Hér er að finna bjóra sem geta verið ljósir að lit, léttir og bragðmildir eða bjóra sem eru mjög maltaðir, hafa háan vínandastyrk, þéttir og beiskir. Erfitt er að gera grein fyrir ákveðnum bragðeinkennum þar sem fjölbreytnin er mikil en þó má segja að ameríski stíllinn sé í flestum tilvikum beiskari og hafi meira áberandi ilm og bragð af humlum.Bjórar í þessum flokki eru bestir framreiddir við um 10-13°C Sjá minna