Bragðlýsing

Gullinn. Ósætur, léttur. meðalbeiskja. Sítrus, malt, grösugur.

Undirflokkur - Pale Ale

Hér má finna tvær týpur af Pale Ale, þá bresku og hina amerísku. Breskir Pale Ale geta verið á þó nokkuð breiðu sviði hvað einkenni og lit varðar, en hafa gott jafnvægi milli sætu og beiskju og hafa nokkuð áberandi humlaeinkenni. Amerísku týpurnar minna hins vegar um margt á IPA bjóra, með minni beiskju.

Yfirflokkur - Amerískt og breskt öl

Mjög fjölbreyttur flokkur af breskum ölstílum sem hafa fengið endurnýjun lífdaga í amerískum handverksbrugghúsum. Hér er að finna bjóra sem geta verið ljósir að lit, léttir og bragðmildir eða bjóra sem eru mjög maltaðir, hafa háan vínandastyrk, þéttir og beiskir. Erfitt er að gera grein fyrir ákveðnum bragðeinkennum þar sem fjölbreytnin er mikil en þó má segja að ameríski stíllinn sé í flestum tilvikum beiskari og hafi meira áberandi ilm og bragð af humlum.

Bjórar í þessum flokki eru bestir framreiddir við um 7-13°C