Sleppa valmynd og fara beint í meginmál

Nautalund í sveppa og spínathjúp

fyrir 4

  • 800 g fullhreinsuð nautalund
  • 2 box sveppir, smátt skornir
  • 5 skalottlaukar, skrældir og
  • smátt skornir
  • 1 hvítlauksrif, fínt rifið
  • 4 msk. brauðrasp
  • 1 poki spínat
  • Ólífuolía til steikingar
  • Svartur pipar úr kvörn
  • Sjávarsalt

Hitið olíu á pönnu og steikið sveppina í 3 mín., bætið lauknum á pönnuna og steikið hvort tveggja þar til gullinbrúnt. Steikið spínatið í ólífuolíunni, setjið það á skurðarbretti og skerið það niður. Setjið laukinn, sveppina og spínatið í skál með hvítlauknum og brauðraspinu. Smakkið til með salti og pipar. 

Hitið pönnu með olíu og brúnið nautalundina allan hringinn. Setjið nautalundina í eldfast mót og smyrjið svo þykku lagi af spínathjúpnum þétt yfir hana. Setjið lundina
í 100°C heitan ofn í 40 mín. eða þar til hún hefur náð 54°C kjarnhita

Graskers-, peru- og geitaostssalat

  • 400 g grasker, skorið í teninga
  • 1 rauðlaukur, gróft skorinn
  • 1 msk. rauðvínsedik
  • 1 msk. sykur
  • 1 fullþroskuð pera
  • 4 msk. pekanhnetur,
  • ristaðar í 5 mín. við 180°C
  • 20 steinlaus vínber
  • 4 msk. geitaostur
  • 1 msk. sýrður rjómi
  • Ólífuolía
  • Sjávarsalt
  • Svartur pipar

 Bakið graskerið við 180°C í 30 mín. og kælið. Veltið rauðlauknum upp úr edikinu og sykrinum og bakið við 180°C í 10 mín. og kælið. Skerið peruna og vínberin niður  og setjið í skál með rauðlauknum og graskerinu. Blandið hnetunum út í ásamt sýrða rjómanum og geitaostinum. Smakkið til með salti og pipar. 

 

Uppskrift frá Gló (úr þemabæklingi - Lífræn vín 2015)

Lamb og vín