Sleppa valmynd og fara beint í meginmál

Mjólkursúkkulaði mús með
hvítsúkkulaði mulningi

Þessi réttur er frá:
Sushi Samba

  • Nýmjólk 250 ml
  • Sykur 100 g
  • Anís stjarna 1 stk.
  • Matarlímsblöð 5 stk.
  • Mjólkursúkkulaði 525 g
  • Rjómi 600 g


Aðferð

Sjóðið mjólk, sykur og anís saman í potti þar til suðan kemur upp. Leggið matarlím í bleyti og bræðið mjólkursúkkulaði yfir vatnsbaði. 

Þegar suða kemur upp á mjólkurblöndunni eru anisstjörnur veiddar uppúr og matarlími bætt úti þar til það hefur leyst upp.
Hellið mjólkursúkkulaðinu út í mjólkurblönduna og vinnið saman með töfrasprota þar til glansandi áferð næst. Látið blönduna bíða þar til hitastig fer niður í 32-35°c (mjög mikilvægt).

Léttþeytið rjómann. Hellið ¼ af þeytta rjómanum út á súkkulaðiblönduna og blandið varlega saman. Hellið þessari blöndu í litlum skömmtum saman við afgangsrjómann og blandið varlega með sleikju í hvert sinn. Hellið að lokum í litlar skálar og látið stífna í kæli í þrjá klukkutíma. 

Hvítsúkkulaði mulningur

  • Möndluhveiti 100 g
  • Púðursykur 100 g
  • Hveiti 100 g
  • Smjör 100 g, mjúkt
  • Hvítsúkkulaði 100 g


Aðferð

Blandið þurrefnum saman. Blandið mjúku smjörinu vel saman við með höndum. Dreifið blöndunni á bakka með smjörpappír og bakið á 165°C í 20 mínútur.
Setjið hvíta súkkulaðið á bakka með silikon mottu eða smjörpappír og bakið á 130°C í 25 mínútur. Þegar báðar blöndur eru orðnar kaldar er þeim hrært saman.

Samsetning

Takið súkkulaðimúsina úr kæli og dreifið hvítsúkkulaði mulningnum yfir. Skreytið með ykkar uppáhalds berjum eða ávöxtum.

Þessi uppskrift var sett inn í tilefni rósavínsþema í Vínbúðunum. Rétturinn hentar vel með sætu rósavíni. Einnig er hægt að finna sína eigin samsetningu í vöruleitinni.

 

Uppskriftin er frá Sushi samba