Sleppa valmynd og fara beint í meginmál

Kjúklingavængir í pale ale

- með BBQ límónusósu og svörtum sesamfræjum

Kjúklingavængir

  • 16 stk. kjúklingavængir
  • 500 ml sojasósa
  • 200 g púðursykur
  • 200 g engifer
  • 2 límónur

Vængir settir í eldfast mót. Soja, púðursykri, söxuðum engifer og límónu blandað vel saman og hellt yfir vængina. Bakað í ofni í 220°C í 15-20 mín. og leyft að kólna.

Tempura

  • 3 bollar hveiti
  • 2 bollar pale ale bjór
  • 2 tsk. lyftiduft
  • 2 tsk. sykur
  • 1 tsk. salt
  • 2 egg
  • Pipar eftir smekk

Eggin pískuð og bjórnum hrært saman við. Hveiti, lyftidufti, sykri, salti og pipar bætt út í. Soppan á að vera álíka þykk og súrmjólk. Kjúklingavængjum velt uppúr tempura og djúpsteiktir í um 2 mín.

BBQ límónusósa

  • 500 ml BBQ sósa
  • Safi úr 2 límónum
  • 1-2 msk. srirachasósa

BBQ sósa hituð í potti og límónusafi kreistur yfir ásamt srirachasósu. Öllu hrært saman. Vængjunum velt upp úr BBQ límónusósunni og settir á disk. Svörtum sesamfræjum stráð yfir og að lokum niðurskornum vorlauk eftir smekk.

Hentar með dökkum lager

Límónusafinn í BBQ sósunni gefur ferskan tón með kjúklingnum. Hér þarf ekki bragðmesta bjórinn en dökkur lager, eins og dekkri classic bjórarnir og breskur bitter gætu hentað vel.

 

Uppskriftin er frá Frederiksen Ale House - úr bæklingnum Bjór og matur 2015 (PDF)