Sleppa valmynd og fara beint í meginmál

Kengúrusalat

- með berjum, sykurristuðum pekanhnetum, límónuteryaki og súrsuðu blómkáli


Kengúra

  • 500 g kengúra
  • 400 ml teriyakisósa
  • Safi úr einni límónu

Kjötið látið liggja í teriyakisósunni og límónusafanum að lágmarki í um 1 klst. Kengúran þarf stuttan eldunartíma, um 1 mín. á hvorri hlið þar til hún er rare/medium rare.

Salat

  • 2 pottar lambhagasalat
  • 1 poki íslenskt grænkál
  • 250 g jarðarber
  • 250 g bláber

Öllu blandað saman.

Pekanhnetur

  • 200 g pekanhnetur
  • 100 g púðursykur
  • 50 ml vatn

Púðursykur bræddur í vatni uns karamella myndast. Pekanhnetunum velt uppúr karamellunni og þær skornar í smærri bita þegar þær hafa kólnað.

Límónuteriyakisósa

  • 100 ml teriyakisósa
  • ½ límóna
  • Blandað saman.
  • Súrsað blómkál
  • 125 ml hvítvínsedik
  • 125 ml vatn
  • 90 g sykur
  • ½ haus blómkál

Hvítvínsedik, vatn og sykur soðið saman og látið kólna. Blómkálið skorið í bita og látið liggja í edikleginum í 10-15 mín. Salati, blómkáli og pekanhnetum blandað
saman. Kengúran skorin í þunnar sneiðar og sett út á. Límónuteriyakisósu dreypt yfir salatið eftir smekk.

Hentar með Porter og Stout

Með sætkrydduðum mat er rétt að nota kröftugan bjór en ekki of humlaðan þar sem það virkar ekki vel með sætunni. Porter og stout henta vel með þessum rétti en einnig bragðmeiri öltegundir eins og t.d. „barleywine“.

 

 

Uppskriftin er frá Frederiksen Ale House - úr bæklingnum Bjór og matur 2015 (PDF)