1. Flakið og snyrtið fiskinn.
2. Takið úr honum beingarðinn en látið roðið halda sér.
3. Blandið saman salti og sykri, stráið létt yfir fiskinn og látið liggja í 20 mínútur.
4. Setjið súrmjólkina í klút og látið hanga þannig að vökvi síist frá henni til að hún þykkni aðeins.
5. Látið þurrkaðar kryddjurtirnar og lyngið í ofnskúffu og grind yfir.
6. Útbúið álpappír til að loka vel. Þegar um 20 mínútur eru liðnar er tímabært að skola fiskinn létt, þerra hann, setja á ofnskúffugrindina, kveikja í þurrkuðu jurtunum og loka vel með álpappírnum.
7. Best er að reykja þetta úti í um 10 mínútur.

Rífið piparrótina, blandið saman við súrmjólkina og smakkið til.  Geymið síuvökvann og notið hann til að setja í súrusalatið á eftir. Setjið kryddaða súrmjólkina í rjómasprautu, gas í og hristið vel. Færið reyktu bleikjuna upp á disk. Sprautið súrmjólkinni á diskinn og skreytið með súrusalatinu þegar þið hafið smakkað það til með sítrónusafa, góðu salti, skessujurt, ólífuolíu og síuvökvanum. Til að fullkomna réttinn gæti verið gott að fara út í garð og stinga upp nýjar kartöflur, gulrætur eða rófur og bera fram með bleikjunni.

VÍNIN MEÐ
Vöruleitin hjálpar okkur hér og veljum hvítvín gjarnan með sætuvotti.