Sleppa valmynd og fara beint í meginmál

Fréttir

Skert þjónusta vegna kvennaverkfalls

23.10.2023

Þriðjudaginn 24. október, hafa fjölmörg samtök launafólks, kvenna og hinsegin fólks boðað til kvennaverkfalls. Konur og kvár sem það geta eru hvött til að leggja niður launuð og ólaunuð störf og taka þátt í baráttudeginum. Allar Vínbúðir á höfuðborgarsvæðinu verða opnar þótt búast megi við skertri þjónustu. Ekki verður hægt að halda öllum Vínbúðum opnum, á meðfylgjandi lista sem verður uppfærður má sjá Vínbúðir sem verða lokaðar.

Jólabjórinn í sölu 2. nóvember

17.10.2023

Sala jólabjórs og annarra jólavara hófst í Vínbúðunum fimmtudaginn 2. nóvember. Árstímabundnar vörur vekja yfirleitt lukku, ekki síst jólavörurnar, enda gaman að breyta til og smakka nýjar tegundir. Margir eru áhugasamir um þá flóru sem í boði er, en gert er ráð fyrir að um 120 jólavörur verði í sölu þetta árið.

Við skönnum skilríki - til að flýta fyrir og auka öryggi

06.10.2023

Mikilvægur þáttur í samfélagslegri ábyrgð Vínbúðanna er að tryggja að viðskiptavinir hafi náð 20 ára aldri og er starfsfólk þjálfað í að spyrja yngstu viðskiptavinina um skilríki. Í samstarfi við Stafrænt Ísland og ríkislögreglustjóra hefur verið þróuð lausn til að skanna rafræn ökuskírteini. Að sjálfsögðu er enn í boði að nota önnur hefðbundin skilríki eða vegabréf.

Fyrirkomulag gjaldtöku vegna gæðaeftirlits úrskurðað ólögmætt

19.09.2023

Fjármála- og efnahagsráðuneytið úrskurðaði í dag að gjaldtaka ÁTVR vegna öflunar sýnishorna áfengis til gæðaeftirlits hefði ekki stoð í lögum. Gjaldtakan byggði á 43. gr. vöruvalsreglugerðar, nr. 1106/2015. „Vegna gæðaeftirlits er ÁTVR ávallt heimilt, á kostnað birgis, að taka sýnishorn vöru úr vörubirgðum eða kalla eftir sýnishorni frá birgi.“ Niðurstaða ráðuneytisins grundvallast á því að sérstaka heimild skorti í lögum fyrir gjaldtökunni sem reglugerðin mælir fyrir um.

Vínbúiðin í Vík er lokuð

15.09.2023

Vínbúiðin í Vík er lokuð tímabundið. vegna vatnstjóns. Unnið er að viðgerð.

Verð á vörum í Vínbúðum

09.08.2023

Verðlagning ÁTVR á vörum í Vínbúðum er ákveðin í lögum sem samþykkt eru á Alþingi, sem og í reglugerð sem fjármála- og efnahagsmálaráðuneytið setur. Í lögunum kemur fram að álagning ÁTVR skal miða við áfengisprósentu, 18% álagning á áfengi með 22% eða lægra hlutfall af vínanda og 12% ef hlutfall vínanda er meira en 22%.

Sala fyrir verslunarmannahelgi

08.08.2023

Alls seldust 777 þúsund lítrar af áfengi í Vínbúðunum í vikunni fyrir verslunarmannahelgi sem er 2,5% meiri sala en fyrir verslunarmannahelgina árið 2022. Minni sala var á rauðvíni en árið áður en hins vegar var meiri sala á hvítvíni og freyðivíni/kampavíni. Sala í lagerbjór var meiri og sama má segja um sölu á blönduðum drykkjum á meðan sala á öðrum bjórtegundum og síder og ávaxtavínum er minni.

Fjölbreytt úrval kokteila

08.08.2023

Á kokteilsíðu Vínbúðanna má finna úrval uppskrifta af girnilegum kokteilum, bæði áfengum og óáfengum, sem henta flestum tilefnum..

Verslunarmannahelgin nálgast

21.07.2023

Vikan fyrir verslunarmannahelgi er að jafnaði ein annasamasta vika ársins í Vínbúðunum. Yfirleitt er mest að gera á föstudeginum fyrir verslunarmannahelgi, en flestir viðskiptavinir koma í Vínbúðirnar á milli kl. 16 og 18. Í einstaka tilfella þarf að grípa til þess ráðs að hleypa viðskiptavinum inn í hollum.

Breyttur opnunartími á Djúpavogi

19.07.2023

Þar sem ekki hefur verið hægt að manna Vínbúðina á Djúpavogi er breyting á opnunartímanum óhjákvæmileg. Frá og með 21. júlí verður opið á mánudögum, miðvikudögum og föstudögum frá 16-18, en lokað á þriðjudögum og fimmtudögum. Við þökkum skilninginn!