Fréttir
08.08.2023
Alls seldust 777 þúsund lítrar af áfengi í Vínbúðunum í vikunni fyrir verslunarmannahelgi sem er 2,5% meiri sala en fyrir verslunarmannahelgina árið 2022. Minni sala var á rauðvíni en árið áður en hins vegar var meiri sala á hvítvíni og freyðivíni/kampavíni. Sala í lagerbjór var meiri og sama má segja um sölu á blönduðum drykkjum á meðan sala á öðrum bjórtegundum og síder og ávaxtavínum er minni.
08.08.2023
Á kokteilsíðu Vínbúðanna má finna úrval uppskrifta af girnilegum kokteilum, bæði áfengum og óáfengum, sem henta flestum tilefnum..
21.07.2023
Vikan fyrir verslunarmannahelgi er að jafnaði ein annasamasta vika ársins í Vínbúðunum. Yfirleitt er mest að gera á föstudeginum fyrir verslunarmannahelgi, en flestir viðskiptavinir koma í Vínbúðirnar á milli kl. 16 og 18. Í einstaka tilfella þarf að grípa til þess ráðs að hleypa viðskiptavinum inn í hollum.
19.07.2023
Þar sem ekki hefur verið hægt að manna Vínbúðina á Djúpavogi er breyting á opnunartímanum óhjákvæmileg. Frá og með 21. júlí verður opið á mánudögum, miðvikudögum og föstudögum frá 16-18, en lokað á þriðjudögum og fimmtudögum. Við þökkum skilninginn!
06.07.2023
Uppfærð frétt rafmagn er komið í að nýju í Reykjarnesbæ og Vínbúðin opin.
---
Lokað er í Vínbúðinni í Reykjarnesbæ vegna rafmagnsleysis. Unnið er að viðgerð. Opnað verður um leið og rafmagn kemst á.
03.07.2023
Vínbúðin Vík hefur nú opnað á nýjum stað í glænýju húsnæði við Sléttuveg 2A. Öll aðstaða og aðkoma er töluvert betri en á fyrri stað, bæði fyrir viðskiptavini og starfsfólk og er flutningur Vínbúðarinnar kærkominn nú fyrir mesta álagstíma sumarsins.
Við bjóðum viðskiptavini velkomna í nýja búð.
26.06.2023
Héraðsdómur Reykjavíkur staðfesti ákvörðun ÁTVR um að hafna því að taka áfengan koffíndrykk til sölu í verslunum sínum. Höfnun ÁTVR byggðist á lögum, en þar kemur fram að heimilt er að hafna því að selja áfengi sem inniheldur koffein og önnur örvandi efni. Dista ehf., innflytjandi drykkjarins..
15.06.2023
Þjóðhátíðardagur Íslendinga er haldinn hátíðlegur laugardaginn 17.júní, en við bendum viðskiptavinum á að þá er lokað í Vínbúðunum.
24.05.2023
Árs- og samfélagsskýrsla ÁTVR 2022 er komin út á rafrænu formi. Í skýrslunni má finna ítarlegar upplýsingar um rekstur og starfsemi fyrirtækisins. Stefna ÁTVR er að vera í hópi bestu þjónustufyrirtækja landsins og fyrirmynd á sviði samfélagsábyrgðar. Í ársskýrslunni er farið yfir helstu áherslur gagnvart hagsmunaaðilum og mælanleg markmið sem sett eru fyrir flesta þætti í rekstrinum...
23.05.2023
Lokað verður í Vínbúðunum annan í Hvítasunnu, mánudaginn 29. maí. Afgreiðslutími verður með hefðbundnu sniði laugardaginn 27. maí, en Vínbúðir höfuðborgarsvæðisins eru þá opnar frá 11-18.Opnunartíma allra Vínbúða má skoða hér.