Fréttir
04.01.2021
Nú geta viðskiptavinir nálgast MÍNAR SÍÐUR hér á vinbudin.is, en innskráning er með rafrænum skilríkjum hér efst á síðunni. Á mínum síðum er hægt að nálgast pantanasögu netpantana, sjá stöður þinna pantana, setja uppáhaldsvörurnar á topplista, gefa þeim þínar persónulegu einkunnir..
28.12.2020
Hefðbundin opnun er mánudag og þriðjudag 28. og 29. des, en opið frá 10-20 miðvikudaginn 30. des. Á gamlársdag er opið frá 9-14.
18.12.2020
Á höfuðborgarsvæðinu verður opið þriðjudaginn 22.des. frá 10-20, á Þorláksmessu frá 10-22 og á aðfangadag frá 9-13. Hefðbundin opnun verður mánudag og þriðjudag 28. og 29. des, en opið frá 10-20 miðvikudaginn 30. des. Á gamlársdag verður opið frá 9-14..
27.11.2020
Vínbúðin á Blönduósi er nú flutt í nýtt og betra húsnæði að Húnabraut 4. Vínbúðin er nú í töluvert stærra og bjartara húsnæði með góðu aðgengi. Til að þjónusta viðskiptavini enn betur höfum við einnig aukið vöruvalið.
Verið velkomin í nýja og glæsilega búð!
24.11.2020
Ertu í gjafahugleiðingum? Þá eru hér hagnýtar upplýsingar fyrir þig um hvað gott er að hafa í huga þegar valið er léttvín til gjafa.
Í Vefbúðinni hér á vinbudin.is er öflug leitarvél sem nýtist vel til að skoða úrvalið og fá hugmyndir að tegundum sem hægt er að gefa. Fyrst má nefna að í Vínbúðunum eru til sölu sérstakar gjafapakkningar og má sjá úrvalið af þeim HÉR.
03.11.2020
Áfengi er samkvæmt lögum skilgreint sem matvæli og því gilda tilmæli um matvælaverslanir um Vínbúðirnar. Eftir síðustu reglugerðarbreytingu hafa stærstu Vínbúðirnar að jafnaði ekki hleypt inn fleiri en 35 viðskiptavinum og þær minni færri, allt eftir stærð Vínbúða..
28.10.2020
Vegna óhapps í verslunarmiðstöðinni í Hveragerði þurfti að loka Vínbúðinni skyndilega tímabundið. Verið er að reykræsta húsið og opnað verður um leið og hægt er.
27.10.2020
Nú höfum við aukið ennfrekar við þjónustu vínráðgjafa í netspjallinu. Það er því um að gera að stytta tímann í búðinni og nýta sér netspjallið til að fá góð ráð.
Til að nálgast spjallið smellir þú á hnappinn neðst til hægri á síðunni.
19.10.2020
- Fréttin hefur verið uppfærð-
Í gær kom upp staðfest Covid-19 smit innan starfsmannahóps okkar í Vínbúðinni Skútuvogi. Í kjölfarið var viðbragðsáætlun virkjuð og Vínbúðin þrifin og sótthreinsuð og hefur nú verið opnuð á ný. Starfsfólk frá öðrum Vínbúðum og hluti starfsmannahópsins úr Skútuvogi mun standa vaktina næstu daga.Við þökkum viðskiptavinum skilninginn.
12.10.2020
Við hvetjum viðskiptavini til að vera með grímur þegar verslað er og virða fjarlægðarmörk eins og hægt er. Einnig höfum við bent á að hægt er að velja rólegri tíma til að koma við í Vínbúðunum, en minna er að gera fyrri hluta dagsins og fyrri hluta vikunnar. Að sama skapi getum við fækkað mögulegum smitleiðum með því að nýta snertilausar greiðslur í stað þess að greiða með peningum og reyna eftir besta megni að handleika ekki vörur að óþörfu. Einnig er kostur ef hægt er að stytta tímann í búðinni með því að vera vel undirbúin. Á vinbudin.is er með auðveldum hætti hægt að sjá vöruval hverrar Vínbúðar og birgðastöðu hverrar vöru.