Sleppa valmynd og fara beint í meginmál

Fréttir

Lokað vegna veðurs á Fáskrúðsfirði

26.09.2022

Vínbúðin Fáskrúðsfirði verður því miður lokuð í dag (mánudag) vegna veðurs.

Aukin þekking hjá Vínbúðunum

22.09.2022

Berglind Helgadóttir, sem unnið hefur sem vínsérfræðingur hjá Vínbúðunum í mörg ár hefur nú hlotið hæstu gráðu frá einum virtasta vínskóla í heimi, Wine and Spirits Education Trust School London (WSET). Gráðan kallast WSET Level 4 Diploma in Wines and Spirits en að henni lokinni hlýtur viðkomandi nafnbótina DipWSET. Aðeins tveir íslendingar hafa hlotið þessa nafnbót og báðir vinna hjá Vínbúðunum. Einungis um 12.000 manns hafa hlotið þessa gráðu í heiminum.

Vínráðgjafar Vínbúðanna

01.09.2022

Í Vínbúðunum má finna vínráðgjafa sem eru til taks til að svara spurningum og aðstoða við val á þeim vörum sem finna má í Vínbúðunum. Þeir þekkjast á svörtu svuntunum sem merktar eru WSET Vínráðgjafi.

Innköllun á hvítvíni - Sancerre

15.08.2022

Domaine Franck Millet og Coca-Cola Europacific Partners á Íslandi hafa í samráði við Heilbrigðiseftirlit Reykjavíkur ákveðið að innkalla hvítvínsflöskur af gerðinni Sancerre Domaine Franck Millet 2021 eftir að aðskotahlutur fannst vörunni. Einungis er kallað eftir flöskum með lotunúmer L4021, en það er að finna á miða aftan á flöskunni..

Líffræðilegur fjölbreytileiki og jarðvegsheilbrigði í vínrækt

02.08.2022

Rannsókn sem unnin var af Ecogain AB sem hluti af umhverfissamstarfi norrænu áfengiseinkasalanna sýnir að lífrænir og lífefldir búskaparhættir stuðla betur að líffræðilegum fjölbreytileika og jarðvegsheilbrigði en hefðbundinn búskapur.

Innköllun á Albani Mosaic IPA

28.07.2022

ÁTVR og Dista ehf ehf. innkalla vöruna Albani Mosaic IPA, Alk 5,7% vol., sem er bjór í 330 ml áldós þar sem bjórdós getur bólgnað út og kann að springa. Innköllunin miðast eingöngu við birgðir vörunnar merktar með best fyrir dagsetningunni: 11/05/2023.
Varan með umræddri best fyrir dagsetningu hefur nú þegar verið fjarlægð úr hillum Vínbúðanna. Þau sem eiga þessa vöru, með fyrrnefndri best fyrir dagsetningu, eru beðin um að farga henni eða skila henni í næstu Vínbúð og fá hana þar bætta.

Verslunarmannahelgin framundan

25.07.2022

Vikan fyrir verslunarmannahelgi er að jafnaði ein annasamasta vika ársins í Vínbúðunum. Opið er samkvæmt venju um verslunarmannahelgi á föstudag og laugardag en lokað sunnudag og mánudag (frídag verslunarmanna)...

Vínskóli Vínbúðanna

22.07.2022

Sem mikilvægur liður í þjónustustefnu Vínbúðanna er starfræktur metnaðarfullur Vínskóli hjá Vínbúðunum. Markmið Vínskólans er að mennta starfsfólk Vínbúðanna í þeirri breidd vöruúrvals sem er til sölu í Vínbúðunum, sem um leið eflir þjónustu til viðskiptavina. Fyrir utan styttri námskeið um ýmsar tegundir áfengis, vínræktarsvæði og berjategundir býður Vínskólinn upp á tvö stig af lengri námskeiðum sem enda með prófi.

Innköllun á Cyclopath Pale Ale

18.07.2022

ÁTVR og S.B. brugghús ehf. innkalla vöruna Cyclopath Pale Ale, sem er bjór í 330 ml áldós þar sem bjórdós getur bólgnað út og kann að springa.

Innköllun á Sóló sumarbjór

12.07.2022

ÁTVR innkallar vöruna Sóló Sumarbjór, sem er bjór, í 330 ml áldós þar sem umbúðir vörunnar geta bólgnað út sé varan ekki geymd í kæli og sprungið með tilheyrandi slysahættu. Innköllunin miðast eingöngu við birgðir vörunnar merktar með best fyrir dagsetningunni: 22/10/2022. Varan hefur nú þegar verið fjarlægð úr hillum vínbúðanna. Allir sem eiga þessa vöru, með fyrrnefndri best fyrir dagsetningu, eru beðnir um að farga henni eða skila henni í næstu Vínbúð og fá hana þar bætta. Ef umbúðir vörunnar eru bólgnar er rétt að leiðbeina um að opna umbúðirnar að viðhafðri fyllstu varúð. Framleiðandi vörunnar og ábyrgðaraðili er: Og natura / Íslensk hollusta ehf, Hólshraun 5, 220 Hafnarfjörður Strikamerki: Á áldós: 5694230446667. Varan hefur verið boðin til sölu í ÁTVR Nánari upplýsingar veitir Gunnþórunn Einarsdóttir, sérfræðingur á Vörusviði, s. 611-2764 og gunnthorunn@vinbudin.is