Sleppa valmynd og fara beint í meginmál

Fréttir

Búið að opna í Skútuvogi

19.10.2020

- Fréttin hefur verið uppfærð-
Í gær kom upp staðfest Covid-19 smit innan starfsmannahóps okkar í Vínbúðinni Skútuvogi. Í kjölfarið var viðbragðsáætlun virkjuð og Vínbúðin þrifin og sótthreinsuð og hefur nú verið opnuð á ný. Starfsfólk frá öðrum Vínbúðum og hluti starfsmannahópsins úr Skútuvogi mun standa vaktina næstu daga.Við þökkum viðskiptavinum skilninginn.

Hjálpumst að – notum grímur!

12.10.2020

Við hvetjum viðskiptavini til að vera með grímur þegar verslað er og virða fjarlægðarmörk eins og hægt er. Einnig höfum við bent á að hægt er að velja rólegri tíma til að koma við í Vínbúðunum, en minna er að gera fyrri hluta dagsins og fyrri hluta vikunnar. Að sama skapi getum við fækkað mögulegum smitleiðum með því að nýta snertilausar greiðslur í stað þess að greiða með peningum og reyna eftir besta megni að handleika ekki vörur að óþörfu. Einnig er kostur ef hægt er að stytta tímann í búðinni með því að vera vel undirbúin. Á vinbudin.is er með auðveldum hætti hægt að sjá vöruval hverrar Vínbúðar og birgðastöðu hverrar vöru.

Allt vöruúrvalið í Heiðrúnu

08.10.2020

Nú höfum við stækkað Vínbúðina Heiðrúnu, en þar getur þú nálgast allt það vöruúrval sem Vínbúðirnar hafa að bjóða. Úrval af bjór hefur aukist töluvert í búðinni, en kominn er sérstakur kælir fyrir svokallaðan sérbjór. Vínbúðin í Skútuvogi hefur einnig verið með mikið úrval af bjór en vegna umsvifa komast ekki allar tegundirnar fyrir þar eins og er. Á vinbudin.is er einnig hægt að nálgast allt vöruúrvalið en þar er hægt að panta og fá sent gjaldfrjálst í næstu Vínbúð.

Væntanlegar vörur

21.09.2020

Viðskiptavinir bíða sumir spenntir eftir nýjungum í vörusafninu okkar, en nú er hægt að sjá væntanlegar vörur í Vefbúðinni. Vörurnar birtast með fyrirhugaðri upphafsdagsetningu sölu í bland við aðrar vörur, en einnig er hægt að afmarka þær í leit. 

Viltu kaupa heilan kassa?

09.09.2020

Í Vefbúðinni er nú hægt að sjá í hvaða einingum hægt er að kaupa hverja vöru. Þannig er auðveldara að átta sig á hagkvæmustu pakkningastærðum t.d. þegar verslað er í Vefbúðinni...

Gott úrval í Vefbúðinni

24.08.2020

Í Vefbúðinni geta viðskiptavinir nálgast nánast allt það úrval sem til er í Vínbúðum á hverjum tíma. Hægt er að fá sent í næstu Vínbúð, þér að kostnaðarlausu, en einnig er hægt að fá margar vörur afhentar samdægurs í vöruafgreiðslu á Stuðlahálsi. Sendingartími í Vínbúðir er um 1-3 dagar á höfuðborgarsvæðinu, en allt að 7 dagar í aðrar Vínbúðir. Við látum þig vita þegar varan er komin i búðina.

Malbikunarframkvæmdir

17.08.2020

Aðgengi að Vínbúðinni Heiðrúnu gæti verið erfitt í dag vegna malbikunarframkvæmda á Stuðlahálsi og Lynghálsi. Besta aðkoman er frá Tunguhálsi og Lynghálsi.

Úrval uppskrifta

17.08.2020

Á uppskriftasíðunni hér á vinbudin.is er að finna úrval girnilegra uppskrifta sem hægt er að nýta sér við flest tækifæri. Uppskriftirnar eru allar settar upp af sælkerakokkum frá hinum ýmsu veitingastöðum hér á landi...

Salan um verslunarmannahelgina

05.08.2020

Sala áfengis í vikunni fyrir verslunarmannahelgi er alla jafna með stærstu vikum ársins. Lítil breyting var á því þetta árið, en salan nú var um 1,4% minni í lítrum talið en í sömu viku fyrir ári. Samtals seldust 784 þúsund lítrar af áfengi þessa vikuna en í fyrra seldust 795 þúsund lítrar. Alls komu 127.500 viðskiptavinir í Vínbúðirnar í vikunni, sem eru 0,4% færri viðskiptavinir en í sambærilegri viku í fyrra. Salan dreifðist þó með öðrum hætti en í fyrra en talsvert dró úr sölu frá miðvikudegi til föstudags.

Verslum tímanlega!

23.07.2020

Við hvetjum viðskiptavini til að vera snemma á ferðinni, en vikan fyrir verslunarmannahelgi er ein annasamasta vika ársins í Vínbúðunum. Í fyrra seldust tæplega 798 þúsund lítrar af áfengi í þeirri viku og 142 þúsund viðskiptavinir komu í Vínbúðirnar. Það sem af er júlí hefur sala í Vínbúðunum verið 19% meiri en í júlí á síðasta ári. Að jafnaði hefur sala undanfarnar vikur verið um 600 þúsund lítrar sem gerir hann að einum stærsta sölumánuði Vínbúðan