Sala áfengis jókst um tæp 3% í lítrum það sem af er ári þ.e. janúar – mars í samanburði við árið 2014. Hafa ber í huga að samanburðurinn er ekki alveg marktækur þar sem páskarnir voru um miðjan apríl í fyrra en í byrjun apríl í ár og sala páskavikunnar kemur að hluta inn í sölutölur marsmánaðar í ár.
![Sala áfengis og tóbaks janúar til mars](Portaldata/1/Resources/frettir/2015/Sala_jan-mars2015_1.JPG)
Sala áfengis var 11% meiri í páskavikunni í samanburði við sambærilega viku árið 2014. Miðvikudagurinn 1. apríl var langstærsti dagurinn en þá komu 41 þúsund viðskiptavinir í Vínbúðirnar sem er 8% fleiri viðskiptavinir en miðvikudaginn fyrir páska í fyrra. Alls voru seldir 264 þúsund lítrar af áfengi þennan dag af þeim 518 þúsund lítrum sem seldust í vikunni.
![Heildarsala lítra í Páskavikunni](Portaldata/1/Resources/frettir/2015/Sala_jan-mars2015_2.JPG)
![Heildarfjöldi viðskiptavina í Páskavikunni](Portaldata/1/Resources/frettir/2015/Sala_jan-mars2015_3.JPG)
Sala tóbaks
Fyrstu þrjá mánuði ársins var aukning á sölu í öllu söluflokkum. Mesta aukning í prósentum er í sölu neftóbaks en sala á neftóbaki er 11% meiri í ár en sömu mánuði í fyrra. Hér ber að hafa í huga líkt og í sölu áfengis að páskarnir geta haft áhrif á samanburðinn.
![Tóbak - selt magn jan. - desember.](Portaldata/1/Resources/frettir/2015/sala2014_4.JPG)