Sala áfengis og tóbaks árið 2013
Sala á jólabjór jókst um 7,5% á milli ára. Í ár voru seldir 616 þús. lítrar tímabilið 15. nóv. – 31. des. en á sama tímabili árið 2012 seldust 573 þús. lítrar.
![Sala jólabjórs í þúsundum lítra](Portaldata/1/Resources/frettir/2014/mynd1.JPG)
Alls voru seldir 18.653 þús. lítrar af áfengi á árinu 2013 sem er 0,6% aukning frá fyrra ári. Mest var selt af lagerbjór eða rúmlega 14 milljón lítrar.
![18. 653 lítrar seldir](Portaldata/1/Resources/frettir/2014/mynd2.JPG)
Ávaxtavín (ciderar) virðast að mestu hafa tekið við af sölu í blönduðum drykkjum. Ef þróunin er skoðuð til ársins 2007 sést hve mikil umskiptin hafa orðið. Árið 2007 voru seldir 336 lítrar af blönduðum drykkjum en í ár er salan 127 þús. Á sama tímabili hefur sala í ávaxtavínum aukist um 286% eða úr rúmlega 80 þús. lítrum í 310,6 þús. lítra.
![Ávaxtavín](Portaldata/1/Resources/frettir/2014/mynd3.JPG)
Breyting á sölumagni eftir flokkum má sjá í meðfylgjandi mynd.
![Breyting á sölumagni](Portaldata/1/Resources/frettir/2014/mynd4.JPG)
Alls komu 4.285.091 viðskiptavinir í Vínbúðirnar á árinu 2013 í samanburði við 4.188.673 árið 2012. Á meðfylgjandi mynd sést fjöldi viðskiptavina á stærstu dögum ársins 2013 og til samanburðar meðal fjöldi á hefðbundnum föstudegi.
![Fjöldi viðskiptavina](Portaldata/1/Resources/frettir/2014/mynd5.JPG)
Sala tóbaks
Mikill samdráttur var í sölu á sígarettum á árinu eða 12,2%. Einnig var samdráttur í sölu á neftóbaki um 4% og vindlum um 10,2%. Hins vegar er aukning í sölu á reyktóbaki um 5,9%.
![Sala tóbaks](Portaldata/1/Resources/frettir/2014/mynd6.JPG)