Ljósgullinn, skýjaður. Ósætur, meðalfylltur, miðlungsbeiskja. Korn, grösugir humlar, banani.

Belgískt ljóst öl

Yfirgerjuð, létt ljós öl sem voru upphaflega brugguð sem svar Belga við hinum vinsælu Pilner bjórum. Í dag má svo segja að þetta sé svar Belga við session bjórum Bandaríkjanna. Hefðbundin belgísk ljós öl hafa ekki eins ávaxtríka gertóna eins og t.d. belgískir Blonde og einkennast frekar af maltinu sem notast er við. Humlaeinkenni eru yfirleitt ekki mjög áberandi.

Belgískt öl

Fjölbreyttur flokkur öls sem geta verið allt frá ljósum, léttum og ávaxtaríkum bjór yfir í dimmbrúnan, þéttan og kröftugan. Belgísk öl einkennast fyrst og fremst af gerafbrigði sem notast er við sem gefur af sér mjög sætkennda ávaxtaríka lykt og bragð. Þó svo að lyktin virki sem sæt þá eru þessi öl það alls ekki alltaf. Í sterkustu útgáfunum af þessum bjórum notast bruggarar við sykur til þess að keyra upp víndandastyrkinn í ölinu. Þessi öl innihalda yfirleitt nokkuð litla beiskju og hafa lítinn ilm eða bragð af humlum.Bjórar í þessum flokki eru bestir framreiddir við um 7-10°C Sjá minna