Fréttir
06.05.2024
Nú höfum við opnað nýja og glæsilega Vínbúð í Álfabakka 6 (við hlið Garðheima). Lokað hefur verið í Stekkjarbakka!
06.05.2024
Lokað er í öllum Vínbúðum á uppstigningardag fimmtudaginn 9 maí. Miðvikudaginn 8. maí verða flestar Vínbúðir opnar eins og um föstudag sé að ræða. Á höfuðborgarsvæðinu verður því opið frá 11-19, en lengur á Dalvegi, Skeifu, Skútuvogi og Álfrúnu þar sem opið er frá 10-20..
30.04.2024
Við minnum viðskiptavini á að lokað er í öllum Vínbúðum á verkalýðsdaginn, miðvikudaginn 1. maí, sem er lögboðinn frídagur á Íslandi.
30.04.2024
Vínbúðin Stekkjarbakka verður opin til og með laugardeginum 4. maí, en þriðjudaginn 7. maí opnum við nýja og stærri Vínbúð í Álfabakka 6 (við hliðina á Garðheimum).
25.03.2024
Í Vefbúðinni getur þú skoðað úrvalið í rólegheitum, pantað vörur og fengið sendar í Vínbúðina þína - án endurgjalds. Einnig er hægt að sækja samdægurs í vöruafgreiðslu á Stuðlahálsi (ef pantað er fyrir kl. 14). Í vörulistanum hér á vinbudin.is finnur þú allt það vöruval sem er í sölu í Vínbúðunum á hverjum tíma, en einnig er auðvelt að sérpanta þær vörur sem ekki eru til í hillum Vínbúðanna.
05.03.2024
Á uppskriftasíðu Vínbúðanna er að finna fjölbreyttar og girnilegar uppskriftir við allra hæfi. Uppskriftirnar eru frá sælkerakokkum frá hinum ýmsu veitingastöðum hér á landi og þær má til dæmis flokka eftir hráefni og hvort þær henti fyrir grænmetisætur eða þau sem eru vegan.
21.02.2024
Föroya Bjór ehf. hefur í samráði við Heilbrigðiseftirlit Reykjavíkur ákveðið að innkalla bjórinn Tiny Rebel Electric Boogaloo, 330 ml áldós, þar sem bjórdósirnar geta sprungið með tilheyrandi slysahættu. Til öryggis er ráðlagt að setja dósirnar í t.d. plastpoka.
21.02.2024
Nú er páskabjórinn kominn í Vínbúðirnar, en líkt og aðrar árstíðabundnar vörur er páskabjórinn seldur í takmarkaðan tíma, en sölutímabilið stendur til 30. mars.
20.02.2024
Ölverk hefur í samráði við Heilbrigðiseftirlit Suðurlands ákveðið að innkalla þorrabjórinn Sóði, bjór í 330ml áldós, þar sem bjórdósirnar geta sprungið með tilheyrandi slysahættu. Til öryggis er ráðlagt að setja dósirnar í t.d. plastpoka.
16.02.2024
Niðurstaða í Stofnun ársins 2023 var kynnt í gær, fimmtudaginn 15. febrúar, og hlaut Vínbúðin titilinn fyrirmyndarstofnun ársins 2023. Titilinn hljóta fyrirtæki og stofnanir sem þykja skara fram úr í þeim níu þáttum sem könnunin byggir á að mati starfsmanna. Í ár tóku nærri 17.000 starfsmenn þátt í könnuninni. Stærðarflokkarnir eru þrír og er Vínbúðin í flokki þeirra sem eru með 90 eða fleiri starfsmenn.