Greinar

Freyðivín og matur

30.07.2019

Þegar fólk hugsar um freyðivín, hugsar það langoftast um vín til að skála í; fagna. En freyðivín eru einnig ágætis matarvín og henta ólíkir stílar ólíkum réttum. Þannig er hægt að byrja á því að fagna góðri máltíð og halda svo áfram með sama vínið með matnum.

Þrúgur frá Ítalíu

30.07.2019

Catarratto þrúgan er algeng í víngerð á Sikiley. Vín úr þrúgunni eiga það til að vera frekar létt og einkennalítil þegar lítið er gert til að takmarka uppskerumagn. Sé hins vegar vel að framleiðslunni staðið og uppskerumagnið hæfilegt þá eru vínin fersk og sítruskennd.

Sumarkokteilar

24.06.2019

Sumarið á Íslandi er óáreiðanlegt og sólin stoppar oft ekki lengi við í einu. Íslendingar eru því sérfræðingar í að nýta sérhvern sólardag til að lyfta sér upp og njóta sólargeislanna í botn, skella steik á grillið og slá upp garð- eða sólpallaveislum með litlum fyrirvara. Mörgum finnst þá gaman að prófa sig áfram með litríka og ferska kokteila og hér eru uppskriftir af þremur sem gaman væri að prófa þegar sólin lætur sjá sig næst.

Sjálfbærni í vínframleiðslu

27.05.2019

Umræða um umhverfismál verður sífellt háværari, sem betur fer. Sjálfbærni er hugtak sem margir hafa tileinkað sér, sumir til lengri tíma en aðrir styttri. Sjálfbærni getur verið flókið og víðfeðmt hugtak sem margir leggja mismunandi þýðingu í. Hægt væri að einfalda þýðinguna í það að við nýtum auðlindir okkar með þeim hætti að við göngum ekki á þær svo afkomendur okkar fái einnig að njóta þeirra.

Mjöður

04.04.2019

Mjöður eða hunangsvín, er að öllum líkindum elsti áfengi drykkur mannkynssögunnar en hann er hægt að rekja um 9.000 ár aftur í tímann til þorps í Kína, sem ber nafnið Jiahu. Þessi mjaðardrykkur var gerður úr geri, hrísgrjónum, hunangi og berjum. Drykkurinn hefur innihaldið lágan vínanda, en áfengur var hann engu að síður.

Trappist bjórar

28.02.2019

Þegar fólk hugsar um munka er bjór kannski ekki það fyrsta sem kemur upp í hugann. En bjór hefur einmitt verið bruggaður af munkum, líklegast síðan á fimmtu eða sjöttu öld, þó svo að uppskriftir bjóranna eins og þeir þekkjast í dag hafi ekki litið dagsins ljós fyrr en upp úr miðri 20. öld. En hvers vegna fóru munkar að brugga bjór? Í mjög einfölduðu og styttu máli var ein ástæðan sú að bjór var einfaldlega mun öruggari leið til að innbyrða vökva heldur en að drekka vatn, sem var oftar en ekki uppfullt af skaðlegum bakteríum og veirum sem voru beinlínis stórhættulegar fólki.

Bjórsagan

28.02.2019

Upphafið á bjórframleiðslu er talið hafa verið fyrir rétt um 7.000 árum síðan og fornminjar frá miðausturlöndum benda til að þar sé að finna upphafið að bjórframleiðslu. Einhvern veginn hefur það gerst að bygg hefur farið að spíra í bleytu. Við spírunina breytist sterkjan í bygginu í gerjanlegan sykur. Í loftinu hefur verið gersveppur sem því næst gerjar hið sætkennda vatn sem kornið hefur legið í.

Ostur og bjór

28.02.2019

Vitað mál er að rétt vín parað með rétta ostinum getur verið hin ánægjulegasta upplifun en er bjór ekki bara betri valkostur? Þó svo að allir bjórar passi kannski ekki við alla osta verður útkoman aldrei nærri eins slæm og þegar vín og ostapörun fer úrskeiðis.

Bjór og matur

28.02.2019

Hinir ólíku bjórstílar víðs vegar um heiminn eru ansi margir, en brugghús brugga bæði gamla stíla ásamt því að skapa nýstárleg tilbrigði við þekkt stef. Smekkur hvers og eins ræður þó mestu og því er um að gera að prófa sig áfram við að kynnast hinum ævintýralega heimi bjórsins.

Saison

28.02.2019

Fyrir tíma kælitækninnar þurftu bruggarar að stunda iðju sína eftir árstíðum. Það fór vissulega eftir því hvar á jarðkringlunni brugghúsið var staðsett, en yfirleitt var of heitt yfir sumarmánuðina til þess að öruggt væri að brugga bjór þar sem hann geymist illa í hita ásamt því að mun meiri hætta er á að bjórinn sýkist af bakteríum. Af þessum ástæðum var bruggað yfir köldustu mánuðina og þessir bjórar síðan hvíldir vikum saman til þess að geta drukkið yfir sumartímann.