Sleppa valmynd og fara beint í meginmál

Grillaðar lambalundir með rauðlauk

Grillmarkaðurinn

Fyrir 4

  • 800 g lambalundir
  • 200 ml BBQ sósa
  • 100 ml sojasósa
  • 50 ml ólífuolía
  • 2 hvítlauksrif
  • Sesamfræ
  • 2 stk. rauðlaukur

Blandið saman BBQ-sósu, sojasósu, ólífuolíu, fínt skornum hvítlauk og sesamfræjum í skál. Skerið lambalundirnar í bita og hellið marineringunni yfir kjötið. Marinerið kjötið í 1 klst. Þræðið kjötið á grillspjót. Grillið á rjúkandi heitu grilli í 2 mínútur á hvorri hlið. Skerið rauðlaukinn í tvennt og grillið hann líka í 2-3 mínútur á hvorri hlið

Þessi uppskrift er frá Grillmarkaðnum

 

VÍN SEM HENTAR:
Þessi réttur kallar á rauðvín í sætari kantinum, til dæmis Appassionato vín. Annað vín með sætuvott á líka vel við, hvort sem það er rósavín eða rautt.