Sleppa valmynd og fara beint í meginmál

Súkkulaðikaka með fljótandi karamellu í miðjunni

Grillmarkaðurinn

12 kökur

  • 375 g dökkt súkkulaði
  • 225 g smjör
  • 4 egg
  • 300 g sykur
  • 120 g hveiti
  • Dumle rjómakaramellur

Kökurnar eru bakaðar í litlum formum. Hægt að nota álform eða bara litlar skálar sem mega fara inn í ofn. Bræðið súkkulaði og smjör saman yfir vatnsbaði. Hrærið saman sykur og egg í annarri skál. Hellið svo súkkulaðiblöndunni yfir eggjablönduna og blandið saman. Sigtið hveitið út í og blandið saman með sleif. Smyrjið kökuformin með smjöri og setjið kökudeigið í þannig að það fylli um ¾ af forminu. Stingið svo Dumle karamellu ofan í miðjuna. Bakið við 175°C í 12-14 mínútur. Berið fram með grilluðum ananas, karamellusósu og ís að eigin vali. 

Þessi uppskrift er frá Grillmarkaðnum

 

VÍN SEM HENTAR
Með súkkulaðiköku fer best að nota dökk vín, t.d. portvín eða madeira. Rautt Rivesaltes og kryddvín eða sætvín eru líka góðir kostir.

Lamb og vín