Nú gengur þorrinn senn í garð og margir bíða því spenntir eftir að þorrabjórinn mæti í hillur Vínbúðanna, en sala á honum hefst fimmtudaginn 18.janúar.

Vaxandi áhugi hefur verið á árstíðabundnum bjórum undanfarið og alltaf spennandi að sjá hvað er á boðstólum hverju sinni. 

Í ár er áætlað að 14 tegundir af þorrabjór verði í boði, en í vörulistanum hér á vefnum er hægt að skoða nánar í hvaða Vínbúð hver tegund fæst og einnig er hægt að kaupa þá í Vefbúðinni.

Eftirfarandi tegundir eru áætlaðar í sölu:

• 23.1.73
• Súrhvalur þorraöl Steðja
• Hvalur II þorraöl
• Þorrakaldi
• Bóndi Session IPA
• Einiberja Bock þorrabjór
• Segull 67 þorrabjór
• Þorragull
• Surtur nr. 38
• Surtur nr. 56
• Surtur nr. 8.7
• Surtur nr. gjafapakkning
• Stóri Skjálfti California Common
• Frýs í æðum blóð - súröl