Soðbrauð með hægelduðum grís

- með chilimajó og súrsuðum gulrótum

Hægeldaður grís

  • 500 g svínabógur
  • 2 lítrar vatn
  • 2 msk. salt
  • 2 tsk. sykur

Öllu blandað saman og kjötið látið liggja í pæklinum í 2 sólarhringa. Elda þarf bóginn að því loknu í hægsuðupotti í 12 klst. á lægstu stillingu. Einnig má kaupa
hægeldað svínakjöt (e. pulled pork) í flestum matvörubúðum. Heitur grísinn rifinn niður og BBQ sósu hrært saman við. 

Soðbrauð 

  • 1 ½ msk. ger
  • 4 ½ bolli hveiti
  • 6 msk. sykur
  • 3 msk. mjólk
  • 1 msk. sjávarsalt
  • ½ tsk. lyftiduft
  • ½ tsk. matarsóti
  • ¹⁄³ bolli olía
  • 1½ bolli volgt vatn

Öllu blandað saman í hrærivél. Deigið látið hefast í um 2 klst. Um 25 litlar bollur mótaðar, látnar hefast í um 1 klst. og gerðir úr þeim hálfmánar. Látið
hefast aftur í um 1-2 klst. Þá er deigið gufusoðið í 6-8 mín.

Súrsaðar gulrætur

  • 125 ml hvítvínsedik
  • 125 ml vatn
  • 90 g sykur
  • 2 stk. miðlungs gulrætur

Hvítvínsedik, vatn og sykur sett í pott, náð upp suðu. Gulrætur afhýddar og skornar í þunnar sneiðar og settar í löginn.

Chilimajó

  • 1 flaska Kewpie majónes
  • 2 msk. sambal chilimauk
  • Blandað saman.

Chilimajó, súrsaðar gulrætur og kjöt sett í soðbrauð og að lokum er smáræði af söxuðum vorlauk dreift yfir.

Hentar með öli

Í þessum rétti ræður sætan og kryddið í svínakjötinu öllu. Kraftmikið öl er það sem gildir. Belgar, Danir, Bretar og Bandaríkjamenn eiga fína fulltrúa sem eiga vel við.

 

Uppskriftin er frá Frederiksen Ale House - úr bæklingnum Bjór og matur 2015 (PDF)