Skelfisksúpa með grilluðum tígrisrækjum og bláskel

  • 2 l humarsoð (gert úr tómum humarskeljum, tómatpúrru og vatni)
  • 100 ml hvítvín
  • 200 g bláskel
  • 2 stk. laukur
  • 2 stk. hvítlaukur
  • ½ fennel
  • 1 stk. rautt chillialdin
  • 2 stk. græn epli
  • 2 stk. gulrætur
  • 1 stk. ferskt engifer
  • 1 l rjómi
  • 1 l kókosmjólk
  • 200 g smjör
  • Safi úr 2 sítrónum
  • Salt & pipar

 
Aðferð: 
Skerið allt grænmetið niður, setjið í pott og steikið við vægan hita. Setjið þá bláskelina út í pottinn, ásamt hvítvíni. Sjóðið í 4-5 mínútur með lok á pottinum. Hellið humarsoði út í pottinn og sjóðið niður um helming. Setjið þá rjóma og kókosmjólk saman við og sjóðið aftur niður. Sigtið svo súpuna og bætið smjöri og sítrónusafa saman við. Smakkið til með salti og pipar.

Leggið grillpinna í bleyti, þræðið tígrisrækjurnar upp á pinnana og grillið í u.þ.b. 1 1/2 mínútu á hvorri hlið. Kryddið með dálitlu salti.

 

Þessi uppskrift var gefin út í tilefni freyðivínsþema í Vínbúðunum. Freyðivín eru snilld með skelfisksúpu, freyðandi vínið eykur ánægjuna af að borða súpuna og gerir upplifunina af máltíðinni skemmtilega og eftirminnilega. Vínin á þessum lista eru ósæt nema eitt sem er millisætt. Það er smekksatriði hvort maður vill sætu eða ekki. Einnig er hægt að finna sína eigin samsetningu í vöruleitinni.

 

Uppskriftin er frá:
 

Pétur Lúkas Alexson,
vaktstjóri a sjávargrillinu