Kjúklingabringa á súrdeigsbrauði og avókadó franskar

fyrir 4

  • 4 súrdeigsbrauðsneiðar
  • 1 poki klettasalat
  • 600 g kjúklingabringur, lífrænar
  • 1 msk. sjávarsalt
  • 1 msk. paprikuduft
  • 1 msk. laukduft
  • 1 msk. kummin
  • 1 msk. svartur pipar úr kvörn

Blandið öllu kryddinu saman. Setjið kjúklingabringurnar í eldfast mót, kryddið með kryddblöndunni og eldið í 180°C heitum ofni í 20-25 mín. eða þar til bringurnar hafa náð 73°C kjarnhita.


Eplasalat

  • 2 græn epli, fínt skorin
  • ½ haus hvítkál, fínt skorið
  • 3 vorlaukar, fínt skornir
  • 1 dós 18% sýrður rjómi
  • 2 msk. majónes
  • ½ búnt kóríander, fínt skorið
  • ½ stk. rauður chili, fínt skorinn
  • 1 msk. límónubörkur, fínt rifinn
  • 2 msk. kókospálmasykur eða önnur sæta eftir smekk

Blandið majónesinu og sýrða rjómanum saman ásamt sykrinum og límónuberkinum. Blandið öllu hinu hráefninu saman við og smakkið til með salti og smá límónusafa. 

Sætur rauðlaukur

  • 1 rauðlaukur
  • 1 tsk. kókospálmasykur
  • 1 msk. eplaedik
  • Skerið laukinn í örþunnar sneiðar, setjið í skál
  • með sykrinum og edikinu, blandið vel saman
  • og látið standa í 1 klst.
  • Vorlauksdressing
  • 1 dós sýrður rjómi
  • 200 g majónes
  • 1 hvítlauksgeiri, fínt rifinn
  • 2 vorlaukar, fínt skornir
  • ½ poki steinselja, fínt skorin
  • 1 tsk. Sambal oelek
  • Safi úr ½ sítrónu
  • Sjávarsalt
  • Svartur pipar úr kvörn

Blandið öllu hráefninu saman og smakkið til með saltinu. Grillið súrdeigsbrauðsneiðarnar á grillpönnu eða grilli, smyrjið með dressingunni og raðið öllu fallega á sneiðarnar. 

Avókadó franskar

 

  • 2 avókadó
  • 100 g parmesan, fínt rifinn
  • 2 egg
  • Sjávarsalt
  • Svartur pipar úr kvörn

Skerið avókadó til helminga langsum, takið steininn úr því og skerið það í franskar. Veltið upp úr egginu og því næst parmesanostinum. Setjið á bökunarplötu og í 200°C ofn í 10-15 mín. eða þar til osturinn er orðinn gullinbrúnn. Kryddið með salti og pipar og berið fram með brauðinu.

 

Uppskriftir frá Gló (úr þemabæklingi - Lífrænt 2015)