Gullkarfa-crudo með blóðappelsínu, sítrónu og lambasalati

Fyrir 4 

  • 400 g gullkarfi, skorinn mjög þunnt
  • 1 stk. blóðappelsína, safi og börkur
  • 1 stk. sítróna, safi og börkur  
  • Jómfrúarólífuolía 
  • Salt og pipar 
  • Lambasalat 

 

Aðferð

Raðið þunnt skornum gullkarfanum á disk, kryddið með salti og pipar. Raspið börk af sítrónu og blóðappelsínu yfir fiskinn með fínu rifjárni. Kreistið sítrónu- og blóðappelsínusafa yfir fiskinn, dreypið ólífuolíunni yfir hann, raðið svo lambasalati á diskinn og berið fram.

 

Þessi uppskrift var sett inn í tilefni rósavínsþema í Vínbúðunum. Rétturinn hentar vel með ósætu rósavíni. Einnig er hægt að finna sína eigin samsetningu í vöruleitinni.

 

Uppskriftin er frá:
 


Leifur Kolbeinsson, matreiðslumaður og höfundur uppskriftar

Bjór og matur