Grilluð polenta með grískri jógurt

Þessi uppskrift er frá:

  • 100 g polenta (mjöl) 
  • 100 g mjólk
  • 200 g vatn
  • 30 g smjör
  • 30 g parmesan
  • Salt

Polenta, vatn og mjólk er soðið saman í ca 10 mín. og hrært í blöndunni allan tímann. Þá er smjöri, salti og parmesan bætt í, sett í form og látið kólna.
Að lokum er polentan skorin í strimla og grilluð.

Grísk jógurtsósa með basil

  • 350 g grískt jógurt
  • 1-2 hvítlauksgeirar
  • ½ búnt basil
  • 1 sítróna, safi
  • 2 msk. ólífuolía

 
Hvítlaukur og basil er skorið smátt eða sett í matvinnsluvél. Jógúrtið er sett í skál og hvítlauki og basil bætt út í. Safa úr einni sítrónu er kreist út í blönduna og gott er að bæta við smá salti eftir smekk.

 

Þessi uppskrift var sett inn í tilefni þemadaganna "Lífrænir dagar" í Vínbúðunum. Rétturinn hentar vel með hvort heldur sem er lífrænt rauðvín eða hvítvín.  Rétt er að hafa það í léttari kantinum. Einnig er hægt að finna sína eigin samsetningu í vöruleitinni.

 

Uppskriftin er frá: Krúska