Fiski taco með sterkum sýrðum rjóma, guacamole og hvítkáli

Fyrir 4

Tequila marineraður þorskur
800 g þorskur 
1½ hvítur laukur, saxaður
3 hvítlauksrif, söxuð
1 pk. kóríander
½ msk. cuminduft
1 msk. paprikuduft
1 skot tequila
2 límónur, safi og rifinn börkur 
100 ml ólífuolía
1 grænn chili, saxaður

Aðferð:Setjið allt í blandara nema fiskinn og blandið saman. 
Skerið þorskinn í 100 g bita og látið hann liggja í kryddleginum í eina klukkustund í kæli. Hitið pönnu yfir miðlungshita, annaðhvort með olíu eða smjöri. Leggið fiskinn á pönnuna og eldið í um 3 mínútur. Kryddið með salti og pipar og snúið síðan varlega yfir á hina hliðina og eldið áfram í 3-5 mínútur. 
 
Guacamole
½ hvítur laukur, fínt saxaður
1 rauður chili, fræhreinsaður og fínt saxaður
Handfylli kóríander, saxað
3 avókadó
Salt og pipar
Blandið öllu vel saman. 

Sterkur sýrður rjómi
Hrærið sterka sósu að eigin vali saman við sýrðan rjóma.

Súrdeigstortilla (u.þ.b. 35 stykki) 
500 g hveiti
250 g volgt vatn
100 g ólífuolía
10 g sjávarsalt 
75 g súr (sjá brauðuppskrift)

Blandið öllu saman í skál. Breiðið yfir skálina og látið standa við stofuhita í 3 klst.
Geymið í ísskáp yfir nótt og þá er deigið tilbúið daginn eftir. Skiptið deiginu í hluta, hver tortilla er u.þ.b. 26 g. Búið til kúlur úr hverjum skammti og látið standa í hálftíma. Fletjið síðan út á hveitistráðu borði. Ef deigið klístrast má nota meira hveiti. Hitið á pönnu við miðlungshita í u.þ.b. 30-45 sek. á hvorri hlið. Staflið kökunum á disk og breiðið viskustykki yfir staflann í hvert sinn sem bætist við hann. 

Klassísk tortilla (u.þ.b. 35 stykki) 
500 g hveiti
250 g volgt vatn
100 g ólífuolía
10 g sjávarsalt 
20 g lyftiduft

Allt hnoðað saman. Látið deigið standa í 30 mínútur áður það er flatt út í kökur. 

Takið bakaða tortillu og setjið eina skeið af guacamole í miðjuna, setjið fiskstykki þar ofan á og síðan rifið hvítkál. Toppið með sterkum sýrðum rjóma. Njótið!
 

Með þessum rétti hentar Belgískt öl Blonde eða Dubbel.

Bjór og matur