Bleikja á tvo vegu, pönnusteikt og tartar

The Coocoos's Nest

2 meðalstór bleikjuflök

Pönnusteikt bleikja
Skerið hvort flak um sig í tvö ferköntuð stykki.
Afskurðurinn af fiskinum er notaður í tartar. 

Aðferð
Steikið fiskstykkin með roðhliðina niður við miðlungshita þar til „medium rare“.
Kryddið með salti og pipar. Snúið fiskinum við í 10 sekúndur og takið síðan af pönnunni.

Bleikju tartar

Roðflettið afskurðinn og skerið í litla bita. Setjið í skál. Útbúið sítrusblönduna.

Sítrus fyrir tartar
3 radísur, skornar í litla teninga
½ chili, fræhreinsaður og skorinn smátt
Salt og pipar
Extra Virgin ólífuolía
Rifinn börkur af hálfri sítrónu
Safi úr hálfri sítrónu

Aðferð: Blandið öllu saman. Hellið yfir hráa tartar-fiskinn og blandið vel. 

Leggið pönnusteiktu bleikjuna á disk ásamt tartar. Skreytið með fallega skornum radísum. Gott vatnsmelónusalat eða annað létt salat passar vel með þessum rétti. 

Hveitibjór

Belgískt öl

 

Með þessum rétti henta hveitibjórar eða Saison (Belgískt öl)