Ólífuolíu-eplakaka með rjóma

300 g hveiti
40 g lyftiduft
Ögn af salti
2 egg
320 g hrásykur
300 g nýmjólk
160 g Extra Virgin ólífuolía
2 græn epli
1 msk. kanill
1 msk. mjúkt smjör

Aðferð:
Blandið saman hveiti, salti, lyftidufti og leggið til hliðar. Þeytið saman egg og sykur þar til ljóst og létt. Bætið mjólk og ólífuolíu út í. Hrærið hveitiblönduna hægt saman við. 
Skrælið eplin og skerið í teninga. Setjið í skál ásamt hrásykri, kanil og matskeið af mjúku smjöri. Blandið vel saman og bætið síðan út í kökudeigið. 
Smyrjið kringlótt smelluform og stráið að innan með hveiti. Hellið deiginu í formið og bakið við 180°C í 30 mín. Lækkið hitann í 150°C og bakið í 15 mín. í viðbót. Stingið prjóni í kökuna til að kanna hvort hún sé fullbökuð.
 
Berið fram með rjóma, kefir-rjóma eða grískri jógurt og ferskum jarðarberjum.

 

Frískandi belgískur kriek eða annað súrsætt öl hentar hér best af öllu