Vatnsmelónu Margaríta

Vatnsmelónu Margaríta

1 tsk Limebörkur
1 dl vatn
1 dl sykur
2 dl Vatnsmmelónumauk (*sjá aðferð)
2 cl ferskur limesafi
6 cl ljóst tequila
2 cl triple sec eða annar appelsínulíkjör
1 bolli klaki

Búið til limesíróp, það má gera fyrir fram. Geymist þá í lokuðu íláti í kæli. Setjið fínt saxaðan limebörk (aðeins græna hlutann),
sykur og vatn í pott og sjóðið þar til sykurinn leysist upp. Hrærið í á meðan. Takið af hitanum, kælið að stofuhita og sigtið limebörkinn frá.

*Melónumauk: Skerið vatnsmelónu í stóra bita og fjarlægið steinana, setjið í rafmagnsblandara eða matvinnsluvél og
gerið fínlegt mauk. Setjið Margaritaglas í frysti í 30 mín. Setjið matarsalt á lítinn disk, vætið glasbarminn með limesneið og dýfið glasinu svo í saltið. Setjið í rafmagnsblandara 2 msk limesíróp, vatnsmelónumauk, limesafa, tequila, líkjör og klaka og blandið þar til drykkurinn er orðinn mjúkur og froðukenndur. Sigtið í Margarítuglasið og skreytið með limesneið.