Grillaður ferskur spergill, hleypt egg, parmaskinku-dressing, brauðkruður

 

Fyrir 4

DRESSING

4 sneiðar parmaskinka, fínt saxaðar (40-50 g)
1 skalotlaukur, fínt saxaður
1 hvítlauksrif, fínt saxað
1 msk. Dijon sinnep
1 tsk. hunang
Safi úr ca ½ sítrónu
Dass Tabasco
150 g Extra Virgin ólífuolía
Salt og pipar

Aðferð:
Blandið saman í skál öllu nema ólífuolíunni. Hrærið vel saman. Bætið ólífuolíunni  rólega saman við og pískið dressinguna rösklega þar til hún fær á sig fallega áferð. Smakkið til með salti og pipar
 

 

SPERGILL, EGG OG BRAUÐ

2 búnt ferskur grænn spergill
4 egg
2 brauðsneiðar, skornar í litla teninga
40 g parmesan ostur
Extra Virgin ólífuolía
2 msk. hvítvínsedik 

Aðferð:
Skrælið spergil á hefðbundinn hátt og skerið frá endann. Þetta er smekksatriði – hýðinu er líka stundum leyft að vera á.
Steikjið brauðteninga upp úr ólífuolíu við miðlungshita þar til stökkir og gylltir, veiðið upp á þurrt stykki og geymið.
Brjótið eggin og setjið heil í 4 bolla (1 egg í bolla)
Grillið spergilinn á funheitu grilli í u.þ.b. 2 mínútur, veltið til og kryddið með salti og pipar. 
Hellið 2 l af vatni í pott ásamt dálitlu salti og hvítvínsediki. Látið suðuna koma upp. Hellið eggjunum rólega úr bollunum yfir í heitt vatnið. Ekki láta sjóða í vatninu, eggin eru tilbúin á 3-4 mínútum, með mjúkri miðju. Veiðið upp með gataspaða á þurrt stykki og snyrtið til.
Skiptið sperglinum jafnt á 4 diska, setjið u.þ.b. 2 msk. af dressingu á hvern disk yfir spergilinn. Þar næst er 1 egg sett ofan á ásamt stökkum brauðkruðum, sjávarsalti og nýmöluðum pipar. 
Að lokum fer skvetta af Extra Virgin ólífuolíu yfir eggið og ríflegur skammtur af rifnum parmesan osti.

 

Uppskriftin kemur frá veitingastaðnum Essensia.