Grillað romaine með döðlusósu, furuhnetum og geitaosti

Fyrir 4 

  • 2 hausar romaine-salat, skornir eftir endilöngu í tvennt og ystu blöð hreinsuð 
  • 200 g döðlur
  • 200 g bláber 
  • 200 ml vatn
  • 200 ml rósavín 
  • Salt 
  • Sítrónusafi
     
  • 200 g geitaostur, stofuheitur
  • 100 g furuhnetur 
  • Ólífuolía 
  • Salt og pipar 

 

Aðferð

Setjið döðlur, bláber, vatn og rósavín í pott. Sjóðið í 10 mín., blandið síðan vel í matvinnsluvél. Smakkið til með salti og sítrónusafa og geymið þar til sósan er stofuheit. Þá er kálið grillað í ca 3-4 mínútur á hvorri hlið og síðan kryddað með salti og pipar. Sósan er sett á diskana, grillað kálið þar ofan á, geitaosti og furuhnetum stráð yfir og ólífuolíu dreypt yfir í lokin. 

 

Þessi uppskrift var sett inn í tilefni rósavínsþema í Vínbúðunum. Rétturinn hentar vel með ósætu eða millisætu rósavíni. Einnig er hægt að finna sína eigin samsetningu í vöruleitinni.

 

Uppskriftin er frá:
 


Leifur Kolbeinsson, matreiðslumaður og höfundur uppskriftar

Rósavín