Bjór- og vínflokkar

Skoða bjórflokka

Léttvín hefur verið skilgreint í flokka eftir karaktereinkennum, en þannig er auðvelt að finna rétta vínið eftir smekk hvers og eins.

Rauðvín

Létt og ávaxtaríkt

Yfirleitt eru þetta frekar einföld rauðvín, sem sjaldan hafa farið í eik. Þessi vín er best að drekka meðan þau eru ung og fersk. Dæmi eru t.d. Beaujolais, mörg Pinot.

Ósætt
A 3 I D G P M C 2
Hálfsætt
P R J K 3 V A
Sætt
N

Meðalfyllt og berjaríkt

Fjölbreyttur flokkur vína sem sum hafa verið tunnuþroskuð og sum ekki. Allar hugsanlegar þrúgur, t.d. léttari Cabernet og Merlot, flest Riojavín, Chianti. Yfirleitt eru þetta vín sem eru tilbúin frá því þau koma á markað, en mörg geta þroskast í einhver ár.

Ósætt
I D G P M 1 F E T A 2 3 L
Hálfsætt
P R J K L A
Sætt
N

Kröftugt og bragðmikið

Kröftugu rauðvínin eru oftast eikarþroskuð, oftast alkóhólrík og oft nokkuð tannísk. Þessi vín eru krydduð með kraftmiklu berjabragði. Flest geta geymst í nokkur ár.

Ósætt
F E H L T J S
Hálfsætt
P R J K L A
Sætt
N L

Hvítvín

Létt og ferskt

Yfirleitt eru þetta frekar einföld vín, sem sjaldnast hafa farið í eik. Þessi vín er best að drekka meðan þau eru ung og fersk. Dæmi eru t.d. Pinot Grigio, Torrontes.

Ósætt
I P M C D B 2 4 3 A
Hálfsætt
P R J K L V C 4 I A
Sætt
N L

Meðalfyllt og líflegt

Fjölbreyttur flokkur vína sem sum hafa verið tunnuþroskuð og sum ekki. Allar hugsanlegar þrúgur, t.d. léttari chardonnay og sauvignon, riesling. Yfirleitt eru þetta vín sem eru tilbúin frá því þau koma á markað, en mörg geta þroskast í einhver ár.

Ósætt
I D G P M 1 L C B 4 2 A
Hálfsætt
P R J K L V 4 1 A
Sætt
N L

Þétt og fyllt

Kröftugu hvítvínin eru oft eikarþroskuð, oftast alkóhólrík. Þessi vín eru með berja og eikarbragði. Flest geta geymst í nokkur ár. Þyngri Chardonnay og Gewurztraminer og vín sem hafa fengið vænan skerf af nýrri eik.

Ósætt
T L C B D G 1
Hálfsætt
R J K L
Sætt
N L

Freyðivín

Freyðivín eru alls konar, flest eru ljós og fæst hafa nokkurt bragð af eik. Tilvalin við flest tækifæri.

Ósætt
P B I C T D A
Hálfsætt
C D P K L A
Sætt
N P A

Rósavín

Rósavín skiptast í tvo aðalflokka: blöss og venjulegt, blössvínin eru oftast hálfsæt og létt í alkóhóli, með bragði af ferskum ferskjum. Hin rósavínin eru allavegana, en fæst hafa komið í eik.

Ósætt
P I C D M 3 A
Hálfsætt
P K V A
Sætt
N

 

Skoða vínflokka

Ljós lager
C I M K D P 2
Keimur: "" Mýkt: "" Styrkleiki: "" Beiskja: ""

Ljós lager er sá bjór sem flestum flýgur í hug þegar minnst er á bjór. Hann er yfirleitt ljós eða gullinn á lit og flestar tegundir eru bragðmildar. Algengast er að vínandastyrkur sé frá 4,5% til 5,6% en til eru tegundir með minni styrkleika eða meiri. Bragð af lager einkennist af lítilli beiskju en til eru tegundir þar sem hún er nokkuð afgerandi. Til þessa flokks má einnig telja ljós-millidökka “classic” bjóra..

Dökkur lager
D G K M R 2
Keimur: "" Mýkt: "" Styrkleiki: "" Beiskja: ""

Dökkur lager hefur yfirleitt meiri bragðfyllingu en ljós lager vegna þess að kornið er meira ristað. Til þessa flokks heyra m.a. flestir jólabjórar, sem eru oft kryddaðir og dálítið sætir. Stundum eru jólabjórarnir einnig með meiri vínandastyrk en algengast er í þessum flokki.

Öl
R J C F G H T 2
Keimur: "" Mýkt: "" Styrkleiki: "" Beiskja: ""

Öl er yfirgerjaður bjór. Gerjunin veldur því að bjórinn fær mismunandi mikil sætueinkenni, allt eftir því hve hátt hlutfall af byggi er notað í bjórinn, og eins eftir því hvaða tegund gers er notuð. Bretar og Belgar eiga ríka hefð fyrir bruggun öls og má finna hundruð tegunda hjá þessum þjóðum.

Stout og porter
R H E J L N
Keimur: "" Mýkt: "" Styrkleiki: "" Beiskja: ""

Stout og porter eru mjög dökkir bjórar, þar sem maltið er mikið ristað. Þeir hafa oftast sterkan ristaðan keim og gjarnan lakkrís- eða kaffitóna. Þeir spanna vítt svið, allt frá írskum hversdagsbjór til kröftugra og bragðmikilla tegunda með háum vínandastyrk.

Hveiti bjór
B C 4 D G L I
Keimur: "" Mýkt: "" Styrkleiki: "" Beiskja: ""

Í hveitibjór er notað hveitikorn í bland við aðrar korntegundir. Heimalönd hveitibjórs eru Belgia og Þýskaland. Belgíski stíllinn er ljós og léttur með sítrónu- og bananatónum, en hveitibjór í þýskum stíl inniheldur a.m.k. 50% hveiti og getur verið ljós eða dökkur. Hann er heldur þyngri en sá belgíski.

ávaxta- og kryddbjór
N P
Keimur: "" Mýkt: "" Styrkleiki: "" Beiskja: ""

Í flokknum ávaxta- og kryddbjór er safn ólíkra tegunda sem eiga það sameiginlegt að ávextir eða krydd er ríkjandi í bragði. Þessir bjórar hafa yfirleitt litla beiskju og ávaxtabjórar geta verið ferskir og sýruríkir.