Sleppa valmynd og fara beint í meginmál

Fréttir

Fréttir

Sala áfengis 1.-23.desember

27.12.2004

Sala áfengis í desember (1.des. til og með 23.des.) var 7% meiri í ár en í fyrra í lítrum talið en 5,5% meiri í verðmæti. Sala áfengis í lítrum fyrstu 23 daga mánaðarins var 1,3 milljónir lítra. Rétt yfir 38 þúsund viðskiptavinir heimsóttu Vínbúðirnar á Þorláksmessu en um 275 þúsund viðskiptavinir hafa komu í Vínbúðirnar fyrstu 23. daga mánaðarins.

Afgreiðslutímar Vínbúða yfir hátíðirnar

21.12.2004

Miðvikudagurinn 22. desember Vínbúðir á höfuðborgarsvæðinu og Akureyri eru opnar til kl. 19.00. Aðrar Vínbúðir eru opnar til kl. 18.00 ...

Vínnámskeið

14.12.2004

Tvö fyrirtæki bjóða upp á vínnámskeið með áherslu á vín og mat. Þann 15. og 16. desember næstkomandi mun VIN.IS bjóða upp á vínsmökkunarnámskeið að Skútuvogi 5. Námskeiðið er um 2 klst og hefst klukkan 20.00 bæði kvöldin. Aðaláherslan á námskeiðinu verður hvernig para eigi jólamat og vín en einnig verður farið yfir sögu vínræktunar og landafræði vínræktunarsvæða. Leiðbeinendur munu svo leiða smökkun á vel völdum vínum. ...

Breytingar á verði áfengis og tóbaks um mánaðarmótin nóvember/desember

30.11.2004

ÁTVR hefur metið breytingar á verði áfengis í Vínbúðum og verði tóbaks í heildsölu til samræmis við breytingar áfengis- og tóbaksgjöldum sem samþykktar voru á Alþingi í gær. Auk þess hafa verið metnar inn breytingar á aðfangaverði áfengis frá innlendum birgjum sem taka gildi á morgun, 1.desember.

Stórglæsileg vínsýning á Nordica Hotel

25.11.2004

Helgina 20.-21. nóvember sl var haldin stórglæsileg vínsýning á Nordica Hotel á vegum Vínbúða og Vínþjónasamtaka Íslands. Þemað var Vín með jólamatnum í tilefni að útkomu samnefnds bæklings Vínbúða. Um tuttugu innflytjendur léttvína kynntu ótrúlega fjölbreytt úrval vína, auk vínanna með jólamatnum.

Vínin með jólamatnum - Vínsýning á Nordica hotel 20.-21. nóvember

12.11.2004

Glæsileg vínsýning verður haldin á Nordica hotel dagana 20.-21. nóvember nk. Vínbúðir og Vínþjónasamtök Íslands standa að sýningunni ásamt helstu innflytjendum léttra vína. Áhersla verður lögð á “Vínin með jólamatnum”, en það þema byrjar í Vínbúðunum strax eftir sýninguna og stendur frá 22. nóvember og út desember. Af því tilefni verður bæklingur Vínbúðanna “Vínin með jólamatnum” fyrst kynntur á sýningunni og gefst þá tækifæri til að bragða á flestum þeim vínum sem þar koma fram.

ÁTVR hlaut Íslensku gæðaverðlaunin

12.11.2004

ÁTVR hlaut Íslensku gæðaverðlaunin 2004 í gær, 11. nóvember. Íslensku gæðaverðlaunin eru samstarfsverkefni Stjórnvísi, forsætisráðuneytisins, Framtíðarsýnar hf., Verzlunarmannafélags Reykjavíkur, Háskóla Íslands og Samtaka atvinnulífsins. Markmiðið með Íslensku gæðaverðlaununum er að veita fyrirtækjum og stofnunum viðurkenningu fyrir raunverulegan stjórnunarárangur og jafnframt hvetja fyrirtæki til að setja sér skýr markmið og leggja mat á árangurinn reglulega.

Vínbúðin Vopnafirði flutt í nýtt húsnæði

02.11.2004

Vínbúðin á Vopnafirði er flutt í nýtt húsnæði í Kolbeinsgötu 35 og verður rekin í samstarfi við Kauptún ehf. Vopnafirði. Verslunarstjóri er Árni S. Róbertsson.

Nýtt blað í vínbúðum

20.10.2004

Þar eru m.a. kynnt til sögunnar óáfeng vín sem nú fást í vínbúðum á höfuðborgarsvðinu og vínþrúgan Gewurzraminer er tekin tali. Í tilefni að bjórstemmningu í vínbúðunum eru tvær greinar um bjór í blaðinu, önnur er fróðleg grein um bjórgerð og mismunandi tegundir eftir Magnús Traustason og hin er söguleg grein eftir Hallgerði Gísladóttur, Ekki er hatur í ölkonu húsi - stiklur úr bjórsögunni.

Bjórstemmning í vínbúðunum 13.-31. október

13.10.2004

Bjórstemmning verður í vínbúðunum 13.-31. október. Viðskiptavinir geta fræðst betur um hinar mismunandi gerðir bjórs í nýútkomnum bæklingi sem dreift er í vínbúðunum.