Ein helsta hvítvínsþrúgan í Bordeaux þar sem hún er blönduð Sauvignon Blanc til að gera bragðmikil, eikuð og þurr hvítvín. Hún hneigist þó einnig til að sýkjast af eðalmyglunni, Botrytis cinerea, og verða þannig undirstaðan í sætum hvítvínum frá Sauternes og Barsac.

Er ræktuð víða um heim en er gjarnan þunglamaleg og bragðlítil þar sem hún er ræktuð í of heitu loftslagi. Þó geta vín úr Semillion orðið býsna góð í Hunter Valley í Ástralíu. Tekur yfirleitt vel út þroska í eikartunnum og er oftast nær notuð með öðrum þrúgum og ljær blönduðum vínum bæði mýkt og alkohól.