Þekktasta hvíta þrúga Ungverjalands og sú sem leikur aðalhlutverkið í gerð dísætra Tokaji-vína. Sýrumikil og bragðsterk en með mjög þunnt hýði, sem gerir hana sérlega viðkvæma fyrir eðalmyglu er sest gjarnan á berin á haustin og dregur úr þeim vatnið svo eftir verður sætur berjasafinn. Alltaf blönduð með víni úr þrúgunni Hárslevelü í sæt Tokajivín en einnig er gert úr henni þurrt hvítvín sem er allrar athygli vert. Eitthvað ræktuð í Slóveníu og í Hvíta-Rússlandi en þar skín frægðarsól hennar varla eins skært.