Fyrstu fimm mánuði ársins hefur sala á áfengi dregist saman um 10% í lítrum ef miðað sama tíma árið 2009.

Ef salan í maí er hins vegar borin saman við maí í fyrra er samdrátturinn tæplega 17%.  Hluti af skýringu á þessum mikla samdrætti er að 1. júní 2009 hækkuðu skattar á áfengi sem hafði í för með sér talsvert annríki í Vínbúðunum síðustu daga maímánaðar. 

Á línuritinu má sjá þróun sölu í maí í þús. lítrum frá árinu 2005.  Salan í maí 2010 var örlítið meiri en var í maí 2006.