Tandoori silungur (indverskt)

TANDOORI SILUNGUR
á spjóti
fyrir 4

800 g silungaflök roð- og beinlaus
2 stk bambusgrillpinnar (látnir liggja í bleyti)

Marinering:

2½ dl hrein jógúrt
5 hvítlauksrif pressuð
2 tsk rifinn engifer
1 msk cuminduft
1 msk kóríanderduft
1 msk papríkuduft
1 rauður chili
safi úr 1 lime
½ tsk nýmalaður svartur pipar
½ tsk sjávarsalt

Aðferð: Hreinsið silungaflökin og skerið þau í hæfilega stóra bita fyrir grillspjót og raðið þeim á fat. Blandið saman
hráefnunum í marineringuna, kryddið og hellið vel yfir fiskinn. Breiðið yfir skálina og látið standa í 15-20 mín. Skafið marineringuna að mestu af fiskinum, þræðið grillpinnana í gegnum hvern fiskbita og grillið á útigrilli eða inni á grillpönnu í ca. 5-8 mín. á hvorri hlið. Passið bara að grilla fiskinn ekki of lengi. Berið fram með quinoa, naanbrauði, salati og raitu.

Gissur Kristinsson, vínráðgjafi, ráðleggur vín með réttinum:
Fíngert hráefni eins og silungur kallar á vín sem ekki er of kraftmikið. Þýskur Rieslingur er fínn kandidat í þennan rétt. Ef ykkur langar í rauðvín þá væri rétt að taka eitthvað sem við skráum á hillumiðunum í Vínbúðinni sem vín með létta fyllingu og sætuvott.